حکومت سرجمیں اقتصادی برجائی ءِ واستہ گہتری کار، کوکا ءِ بدلی ءُ میرٹ ءِ بنیات ءِ نظام ءَ را اولیت دیگ ءِ واستہ جزمیگ اِنت، مزن وزیر شہباز شریف ءِ اُڑان پاکستان سمر اسکالر پروگرام ءِ گچینی نوک گچین بوتگیں نودربر آناں گشتانک

اسلام آباد۔12جولائی (اے پی پی): مزن وزیر محمد شہباز شریف ءَ گوشت کہ حکومت سرجمیں اقتصادی زندگ بوھگ ءِ واستہ دیریں گہتری کار، کوکا ءِ بدلی ءُ میرٹ ءِ سر ءَ بنیات ءِ نظام ءَ را اولیت دیگ ءِ واستہ جزم انت۔ اے ھیالانی درشانی آئی ءَ شمبے ءِ روچ ءَ اُڑان پاکستان سمر اسکالر پروگرام ءِ گچینی نودربراں گوں تران کنان ءَ کت۔ مزن وزیر ءَ گوشت کہ من زانت ءُ زانشت ءِ استار آنی کہکشاں ءِ دیم ءَ ساڑی بوھگ ءِ واستہ سک باز شگر ءُ منت وار آں۔ مزن وزیر ءَ گوشت کہ احسن اقبال ءِ ھم دل ءِ تہ ءَ چہ منت وار آں آئی ءَ اُڑان پاکستان ءِ چیر دستی ءَ اے جوانیں گامگیج ءِ بنیات ایر کتگ۔ منی گمان اِنت کہ وھدے کہ شما اے ھپتگ ءُ ماہاں گوازین اِت، شمئے دیم ءَ ھما تنازعات، دباؤ ءُ مفادانی بابت ءَ سرپد بوھگ ءُ زانگ ءِ موہ رس اِیت کہ حکومت ءِ نظام ءِ تہا است اَنت۔ مزن وزیر ءَ گوشت کہ 2023 ءَ وھدے آئی ءَ وتی اگدہ ءِ سر ءَ گپتگ گڈا پاکستان ءَ را دیوالیہ کاری ءِ مزنیں ھترہ ءِ دیمپانی بوتگ ءُ راج ءِ آیوکیں باندات سک گران انت۔ آئی ءَ گوشت کہ اکثریت ءِ گمان ات کہ پاکستان دیوالیہ بیت، وھدیکہ اقلیت ءِ گمان ات کہ ما اے آفت ءَ چہ رکگ ءَ ایں ۔ آئی ءَ گیش کرتگ کہ آئی ایم ایف ءِ منیجنگ ڈائریکٹر ءِ گوما دراجیں گپ ءُ تران کتگ ءُ دل یکیمی داتگ کہ پاکستان دیوالیہ نہ بیت ءُ آئی ایم ایف ءِ پروگرام ءَ سرجم کنت۔ وشیں گپ ایش انت کہ آئی ایم ایف ءِ منیجنگ ڈائریکٹر ءِ گوما منی تفصیلی گپ ءُ تران ءِ آسر ءَ ما اے بحران ءَ چہ دیم ءَ شتیں ۔ مزن وزیر ءَ گوشت کہ آ وھد ءَ معیشت ءِ جاور سک باز ھراب ات، مہنگائی ءِ شرح 38درسد ءَ سر بوتگ وھدیکہ سود ءِ شرح 22.5درسد ءِ مزن تک ءَ ات۔ ملک ءِ کاروباری چاگرد سک گمناک ءُ ناامیت کنوک ات۔ اگاں ما ایشی ءَ گوں گوستگیں سالاں ھمگرنچ بہ کن ایں گڑا ما اے گرانیں زمہ واری وتی کوپگانی سر ءَ زرتگ کہ ما تپاکی ءِ نیمگ ءَ جُنز ایں، ایمانداری ءُ معروضی رنگ ءَ کار کن آں ءُ سرجمیں سنجیدگی ءَ گوں جُھد کن ایں ءُ پد ءَ آسر ءَ اللہ تعالیٰ ءِ دست ءَ دئیں۔ مزن وزیر ءَ گوشت کہ گڈی ءَ وش بھتی ایش انت کہ مئے یکجائی کوشست آں نتیجہ مند بوتگ ءُ مرچی ما ادا آں ۔ مزن وزیر ءَ گوشت کہ مئے سود ءِ شرح 22.5درسد ءَ چہ کم بوتگ ءُ 11درسد ءَ سر بوتگ۔ ءُ سود ءِ شرح ءِ گیش ءَ چہ گیش جہل آیگ ءِ واستہ بازیں گنجائش است انت ءُ ایشی ءِ آسر مثبت بنت۔ مردم وتی زراں چہ بینکاں در کن اَنت ءُ ھما جاھاں سرمایہ کاری کن اَنت کہ آھاں گیشتر نپ رسیت۔ مزن وزیر ءَ گوشت کہ اُڑان پاکستان ءِ پروگرام ءَ ٹیک آف کتگ۔ ایشی ءِ سرجم کنگ ءَ مارا بس لھتیں ماہ زرتگ ءُ من ذاتی رنگ ءَ گوں ماہرین، سرکاری کارندہ، بیوروکریٹاں بازیں گند ءُ نند کتگ ءُ گڈسرا ما اُڑان پاکستان ءَ اے جاہ ءَ سر کنگ ءَ سوبین بوتگیں ۔ شما کہ اِدا گوں سکیں باصلاحیتیں انٹرن ءِ کمک ءَ اِت ءُ من کہ اِدا گوں پاکستانی راج ءِ کمک ءَ آں، گوں وزیر، بیوروکریٹ ءُ اے ماہریناں یک کارروائی ءِ منصوبہ یے جوڑ کتگ کہ وت ماں وت سک گران بوتگ ءُ انگت ءَ آئی ءِ سرا عمل کنگ سک گران اِنت۔ مزن وزیر ءَ فیڈرل بورڈ آف ریونیو ءِ تہا گہتری کار ءُ ڈیجیٹلائزیشن ءِ حوالہ ءَ گوشت کہ ادارگ ءَ چہ کرپٹیں عناصر ءَ را ھچ وڑیں دباؤ ءُ سفارش ءِ ھلاپ ءَ کشگ بوتگ۔ آئی ءَ گوشت کہ ایف بی آر ءَ چہ کرپشن ءِ ھلاسی ءِ واستہ منی ھیال ءَ سک باز ھاسیں منصوبگ است انت ءُ من انچیں پیسلہ کتگ کہ پیسر ءَ کدی نہ بوتگ انت، ءُ آہانی تہا ’سفارش‘ ءِ دود ءُ ربیدگ نہ بیت۔ مزن وزیر ءَ گوشت کہ گوست ءَ ایف بی آر ءَ ڈیجیٹلائزیشن ایوک ءَ کاگد آنی تہ ءَ محدود بوتگ ایشی ءِ درگت ءَ ھچ وڑیں عملی گامگیج چست کنگ نہ بوتگ۔ آئی ءَ الزام جتگ کہ کرپٹ ءُ چالاکی ءِ عناصر ءَ نظام ءَ را دھوکہ دیگ ءِ کوشست کتگ۔ آئی ءَ اے گپ ءِ پدرائی کت کہ ایشی ءِ بزانت ایش نہ اِنت کہ ایماندار ءُ محنتی بیوروکریٹانی کمی اِنت بلے آہاں بس موہ نہ دیگ بوتگ۔ آئی ءَ گیش کرتگ کہ نوں چیئرمین ایف بی آر ءَ ھوار جوانیں مردم دیم ءَ آرگ بوتگ اَنت ءُ ماہریں مشیر آنی ھزمت زورگ بوتگ اَنت۔ آئی ءَ گوشت کہ اے گامگیج آنی سر ءَ عمل کنگ ءِ وسیلگ ءَ ایوک ءَ یک سال ءِ تہ ءَ آمدنی ءِ جم کنگ 12ارب کلدار ءَ چہ 50ارب کلدار ءَ چہ گیش بوتگ ایشی ءَ چہ ایوک ءَ یک شوبگ ءَ مزنیں کچے ءَ ٹیکس چوری ءِ درشانی بیت۔ مزن وزیر ءَ گوشت کہ اے ایوک ءَ یک شوبگ ءِ مثال اِنت، شما اے کساس ءَ زرّ سداں دگہ شوبگ آنی تہ ءَ ھم جم کت کن اِت۔ نوں ایف بی آر ءَ شرتریں کارے کنگی اِنت۔ اے یک دراجیں سفرے، چہ کنڈاں پُریں سفرے. راہ ءِ سرا کوہانی وڑا خوفناکیں جیڑہ ءُ رکاوٹ است انت۔ اے باز گرانیں کارے ۔ البت من اے ملک ءِ مزنیں رہشون ءُ گریباں دلجمی دات کناں کہ ما ہر قیمت ءَ راج ءِ خدمت ءِ وتی ذمہ واری ءَ پیلو کنیں۔ من ہچبر ہچ وڑیں سوبمندی ءِ کریڈٹ نہ زرتگ، بلے من ایشی ءَ ٹیم ورک ءَ گوں منسوب کناں۔ سچی ٹیم ورک ٹیم ءِ باسکاں گوں سیادی دار ایت کہ کار کن انت۔ من ایشاں سلام کناں ءُ ھما کہ کار نہ کن اَنت آ لوگ ءَ دیم دیگ بنت۔ اے عجلہ ءِ گامگیج نہ اِنت بلے آہانی کار ءِ جائزہ کلیدی کارکردگی ءِ اشارہ (کے پی آئی) ءِ وسیلگ ءَ کنگ بیت۔ مزن وزیر ءَ گوشت کہ کار کنگ لوٹ ایت، کارکردگی ءِ درشان کنگ لوٹ ایت، من ءَ کس ءَ گوں ھچ وڑیں کینگ نیست، آ درست منی مزنیں شرپداریں سنگت اَنت، آ بیوروکریٹ بہ بنت یا ماہرین، وزیر، وزیر مملکت یا مشیر وغیرہ، مزن وزیر ءَ گوشت کہ آ منی واستہ سک باز شرپدار اَنت اگاں آ راج ءِ ھزمت ءَ کنگ ءَ اَنت۔ اگاں آ راج ءِ ھزمت ءَ نہ کنگ ءَ اَنت گڑا چہ آھاں ھچ رسگ نہ بیت، اے بدلی یے. اے دور ءِ رویہ انت، ہر چنچو گران بہ بیت مارا وتی مکسد پیلو کنگی انت، مزن وزیر ءَ گوشت کہ اگاں ما چوش کت گڈا ما اے ملک ءِ حاکم ءِ مکسد آں پیلو کنگ ءَ بے سوب بئیں۔ ءُ من ءَ وتی ھمکارانی ھمراھی ءَ سرجمیں سنجیدگی ءَ گوں آسراں دیم پہ دیم کنگی اِنت۔ مزن وزیر ءَ گوشت کہ اگاں ما اے کار ءَ سوبمند بہ باں گڈا منی یقین انت کہ اللہ تعالیٰ ءِ بے مٹیں رحمت ءُ فضل ءَ چہ ما السی دائرہ آنی تہ ءَ وتی عزت ءُ شرپ ءَ را برجم دارگ ءَ سوبین بئیں ۔ مزن وزیر ءَ گوشت کہ مئے کار فلسفہ، اخلاقیات ءُ چاگرد ءِ جوئر ھمے اِنت۔ مزن وزیر ءَ گوشت کہ من وتی ءُ وتی ھمبراھ آنی سوچ ءُ دیدگ ءَ ساھات کتگ ءُ شمئے گوں نیکیں واھگ آنی درشان کنگ ءَ آں، شُما مئے آیوکیں باندات اِت ءُ من اے گپ ءَ دل ءِ تہ ءَ چہ گوشگ ءَ آں کہ ما شُمارا چارگ ءَ آں چیا کہ اے ملک ءِ سوبمندی ءِ کلیت شمئے دست ءَ اِنت۔ پمیشکا مئے ورنائیں پدریچ ءِ سرا ھرچ ءُ درچ نہ اِنت بلکیں سرمایہ کاری اِنت۔ مزن وزیر ءَ گوشت کہ اے ایمان اِنت، مرلوٹ ءِ سر ءَ پنجاب ءَ چارلکھ لیپ ٹاپ بھر ءُ بانگ کنگ بوتگ، ایشی ءِ ساھت ءَ من 10کروڑ کلدار ءِ اسکالرشپ داتگ۔ 20 ارب ءِ سرا مرلوٹ ءِ سرا۔ مزن وزیر ءَ گوشت کہ ما انچیں چک ءُ چک آناں اسکالرشپ دات کہ آ انتہائی پدمنتگی پسندی ءَ گوں سیادی دار اَنت ءُ مرچی آ جتاجتائیں انٹرنیشنل یونیورسٹی آں چہ گریجویشن کتگ ءُ فائزر اسکالر جوڑ بوتگ اَنت۔ اے انجینئر اَنت، ڈاکٹر اَنت، استاد اَنت۔ اے موہ ءِ سر ءَ مزن وزیر ءَ ورنا آنی جُست آنی پسو ھم دات۔ یک نودربرے ءِ جست ءِ پسو ءَ مزن وزیر ءَ گوشت کہ پنجاب ایجوکیشن اینڈومنٹ فنڈ نوں پاکستان ایجوکیشن اینڈومنٹ فنڈ جوڑ بوتگ ءُ انچوش کہ من پیسر ءَ گوشتگ ات کہ ایشی ءِ بنیات سرجم ءَ ایم آر پی ءِ سر ءَ انت۔ اے فنڈ نوں کارآمد بوتگ ءُ زاھر انت کہ ما ہر روچ ءِ گوزگ ءَ گوں گیش بوھوکیں لوٹاں سرجمی ءَ پیلو نہ کنیں بلے اگاں منی گور ءَ فنڈ است انت گڑا من چہ شمئے وانگ ءُ زانگ ءِ ھرچ ءُ درچ ءَ ھرچ کنگ ءَ چک ءُ پد نہ باں ۔ بلے اے فنڈانی یک حدے است ءُ ہمے حد ءِ تہا انشاءاللہ ما اے جیڑہ ءَ الم ءَ گیش ءُ گیوار کنیں ءُ اے جیڑہ منی دل ءِ نزیک انت۔ نودربر ءِ جُست ءِ پسو ءَ مزن وزیر ءَ گوشت کہ پاکستان ھما دہ بدبھتیں ملک آنی تہ ءَ ھوار اِنت کہ آ چاگردی بدلی ءَ چہ آماچ بوھگ ءَ اَنت۔ 2022 ءَ ما آئی ءِ شدت ءَ ھما وھد ءَ دیم پہ دیم بوتیں کہ سندھ ءُ بلوچستان ءِ مزنیں دمگ آپ ءِ تہ ءَ کپتگ اَنت۔ مئے معیشت ءَ 30 ارب ڈالر ءِ تاوان بوتگ۔ اے گپ ءَ ھیال ءَ دارگ ءَ موسمیاتی بدلی ءِ تہ ءَ گرین ہاؤس گیسانی کشگ ءِ تہ ءَ مئے بھر ءُ بانگ نہ بوتگ۔ اے گپ ءِ باوجود ما گیشتریں آماچیں ملک ایں ۔ مئی ءِ ماہ ءَ پاکستان ءِ سر ءَ بے جاہ زوراکی ءِ آماچ بوتگ، پہلگام ءِ وئیل اپسوزی بوتگ ءُ اپسوزی اِنت ءُ ایشی ءِ تہ ءَ پاکستان ءِ ھچ کرد نیست اَت۔ من وتی مشرقی ہمساہگ ءَ را دلجمی داتگ کہ ما اے معاملہ ءَ یک میان استمانی بینک ءِ نیمگ ءَ پٹ ءُ پول کنیں کہ ایشی ءِ تہا ہما ملک ہوار بنت کہ دوئیں ملکانی سرا تپاک کنگ بیت۔ بھارت ءَ اے تجویز ءِ سرا تبصرہ ہم نہ کتگ، آئی ءَ اے گپ من اِتگ یا مخالفت کتگ اے دگہ گپے ۔ پدا 6 ءُ 7 مئی ءَ پاکستان ءِ سرا اُرش کنگ بوت کہ ایشی ءِ آسر ءَ بہاول پور ءُ دگہ دمگاں ءُ آزات جموں ءُ کشمیر ءَ 55 بے گناہیں پاکستانی شہید ءُ سک ٹپیگ بوت انت۔ ما وتی وطن ءِ دفاع کت کہ مئے فرض ءُ ذمہ واری ات۔ اے دفاع ءِ تہا 6 ہندوستانی پائلٹ تیرگواری ءَ چہ بیران بوتگ انت۔ بلے انچو گشئے اے گپ بس نہ بوتگ ات، 9 ءُ 10 مئی ءِ میانجی ءِ شپ ءَ پدا ہندوستان ءَ اُرش کتگ ات، پدا 10 مئی ءِ سُہب ءَ ما زبردستی بدلی گپتگ ات ءُ دژمن ءَ را راستیں بزانت ءَ سبق داتگ ات۔ آئی ءَ گوشت کہ ایشی ءِ سبب ءَ یک تپاکیں سوچ ءُ عملی یکوئی بوتگ۔ کراچی ءَ بگر داں پشاور ءَ سرجمیں راج وتی سلاہ بندیں لشکر ءِ کش ءَ اوشتاتگ ات۔ مئے سلاہ بندیں اُرداں فوجی مہارت، بصیرت ءُ بہادری ءِ مستریں کچ ءُ کساس ءِ درشانی کتگ کہ ایشی ءِ آسر ءَ اے سوبمندی بوتگ۔ اللہ ءِ حمد کہ ما نوکیں ٹیکنالوجی ءُ پندلانی وسیلہ ءَ فیصلہ کنوکیں جنگے کتگ۔ مزن وزیر ءَ گوشت کہ مئے اے آئی ایم پروگرام ایوک ءَ وت مہ وت ءَ را رکھینگ ءِ واستہ اِنت، ایشی ءَ جارحانہ پروگرام ءِ نہ اِنت۔ اللہ تعالیٰ شما درستاں وتی حفظ ءُ سلامتی ءَ بہ دار ایت۔ پاکستان زندگ بات۔