وفاقی داخلہ ءِ وزیر محسن نقوی ءَ یک روچی تر ءُ تاب ءِ سر ءَ منامہ ءَ سر بوتگ ، بحرین ءِ ہمکار ءَ گوں گند ءُ نند کتگ ، سیکورٹی کمک ءَ را گیش کنگ ءَ ھوار ھاسیں جیڈھ آنی سر ءَ ھیال ءُ لیکہ ءِ درشان کتگ

منامہ۔12جولائی (اے پی پی): وفاقی تہی کارانی وزیر محسن نقوی بحرین ءِ بنجاھی شہر منامہ ءَ یک روچی تر ءُ تاب ءِ واستہ سر بوتگ۔ آئی ءَ را بحرین ءِ ہمکار جنرل شیخ راشد بن عبداللہ خلیفہ ءَ بالی پٹ ءَ وش اتک کتگ۔ وزارت داخلہ ءِ نیمگ ءَ چہ جاڑی بوتگیں بیان ءِ رد ءَ وزیر داخلہ ءَ را وزارت داخلہ ءِ بنجاھی کارگس منامہ فورٹ ءَ سر بوھگ ءِ سر ءَ آئی ءَ را گارڈ آف آنر پیش کنگ بوتگ۔ وزیر داخلہ محسن نقوی ءَ وتی بحرین ہم منصب ءِ گوما یک ھاسیں گند ءُ نند کتگ ات، ایشی ءِ تہا وت مہ وتی مفاد ءُ سیکورٹی کمک ءِ جیڈھ آنی بابت ءَ تبادلہ کنگ بوتگ ات ءُ سیکورٹی کمک ءَ را گیش کنگ ءِ ضلورت ءِ سر ءَ زور دیگ بوتگ ات۔ دوئیں بامرد آں انسداد ناشرکاری، انسانی دزگیری ءُ انسداد منشیات ءِ شوبگ آنی تہ ءَ وت مہ وتی کمک ءِ سر ءَ ھیال ریچی کت۔ گند ءُ نند ءَ سیکورٹی کمک ءِ دیمروئی، دمگی ءُ جھان ءِ چیلنج آنی گیواری ءُ بحرین ءُ پاکستان ءِ یکجائی سلامتی کونسل ءِ کار ءَ را گیش موثر جوڑ کنگ ءِ سر ءَ ھیال ریچی کنگ بوت۔ بحرین ءِ تہی کارانی وزیر ءَ پاکستان ءُ بحرین ءِ نیام ءَ ایمنی ءُ ایندگہ شوبگ آنی تہ ءَ کمک ءُ ھمگرنچی ساڑاتگ ءُ گوشت کہ شمئے تر ءُ تاب دوئیں ملک آنی نیام ءَ مھکمیں سیادی آنی بنیات ءَ ایمنی ءِ یکوئی ءَ را گیش مھکم کنگ ءِ موہ اِنت۔ من پاکستان ءُ بحرین ءِ نیام ءَ سیکورٹی کمک ءُ ھمگرنچی ءَ را ساڑات آں ۔ تہی کارانی وزیر محسن نقوی ءَ گوشت کہ بحرین ءُ پاکستان ءِ تہی کار آنی وزارت آنی نیام ءَ ناشرکاری ءُ انسانی سوداگری ءِ شوبگ ءَ گیشیں کمک وھد ءِ ضلورت اِنت۔ محسن نقوی ءَ وتی بحری ہم منصب ءَ را پاکستان ءِ تر ءُ تاب ءِ دعوت داتگ ءُ آئی ءِ تاثرات ہم وزارت داخلہ ءِ تہا داشتگیں کتابے ءِ تہا نبشتہ کتگ انت۔ اے موہ ءِ سر ءَ بحرین ءِ تہی کارانی نائب وزیر میجر جنرل عادل بن خلیفہ بن حمد، پبلک سیکورٹی ءِ سروک، مزنیں فوجی افسر، بحرین ءَ پاکستان ءِ سفیر ثاقب رؤف، ماموریت ءِ نائب سروک ءُ مزنیں سفارتی کارندہ ھم ھوار بوتگ اَنت۔