وفاقی وزیر جام کمال خان پاکستان ءُ ویتنام ءِ نیام ءَ تجارتی سیادی ءَ را دیمروئی دیگ بیت، وت مہ وتی تجارت ءُ برآمدات ءَ را گیش کنگ بیت

ویتنام ۔12جولائی (اے پی پی): برائے وفاقی وزیر تجارت جام کمال خان ءَ گوشت کہ پاکستان ءُ ویتنام ءِ نیام ءَ تجارتی سیادی آنی تہ ءَ گیشی ءِ واستہ یک سرجمیں حکمت عملی ءِ چیر دستی ءَ گامگیج کنگ بوھگ ءَ انت۔ ویتنام یک مزنیں معاشی بازارے کہ ایشی ءِ سالانہ معاشی دیمروئی ءِ شرح 7 درسد ءَ چہ گیش اِنت۔ پاکستان ویتنام ءِ تجربگاں چہ نپ چست کنگ ءِ واھشت مند اِنت۔ دوئیں ملک آنی سرمایہ کار ءُ تجارتی ڈل آناں ھمک رنگ ءِ آسراتی پجاری کنگ بیت۔ ویتنام ءِ گوما تجارت ءُ ایشی ءِ برآمدات ءَ گیشی بیت۔ پاکستان ءُ ویتنام ءِ نیام ءَ 7سال ءَ پد تجارتی خسارہ ءِ بحالی ءِ گمان اِنت کہ ایشی ءَ چہ جوانیں آسراتی رس ایت۔ آئی ءَ اے ھیالانی درشانی شمبے ءِ روچ ءَ مدریہ ءَ گوں گپ ءُ تران ءِ ساھت ءَ کت۔ آئی ءَ گوشت کہ مزن وزیر محمد شہباز شریف ءَ ریاض ءِ تر ءُ تاب ءِ وھد ءَ ویتنام ءِ مزن وزیر ءَ گوں گند ءُ نند کتگ ات۔ اے گند ءُ نند ءِ ساھت ءَ کہ وشیں جاور ءِ تہ ءَ برجم دارگ بوتگ مزن وزیر ءِ ھمراھی ءَ وفاقی وزیر ھم ھوار بوتگ اَنت وھدیکہ ویتنام ءِ مزن وزیر ءِ ھمراھی ءَ آئی ءِ وزیر ھم ھوار بوتگ اَنت۔ گند ءُ نند ءَ پد مزن وزیر محمد شہباز شریف ءَ مارا پاکستان ءُ ویتنام ءِ نیام ءَ تجارتی سیادی ءُ بیپاری ءِ دیمروئی ءِ واستہ کار کنگ ءِ زمہ واری دات، ایشی ءِ تہ ءَ راجی برآمدات ءِ سر ءَ ھاسیں دلگوشی دیگ بہ بیت۔ آئی ءَ گوشت کہ ویتنام یک مزنیں مارکیٹے کہ ایشی ءِ برآمدات 350ارب ڈالر ءَ چہ گیش اِنت ءُ ویتنام ءِ کلیں تجارت 800ارب ڈالر ءَ سر بوھگ ءِ نزیک ءَ اِنت۔ وفاقی وزیر ءَ گوشت کہ مزن وزیر ءَ ہدایت کتگ کہ ویب ایڈیشن ءُ ویتنام ءِ اقتصادی سوبمندی آناں کارمرد کنگ بہ بیت تانکہ دوئیں نیمگ ءَ چہ فائدگ مندیں تجارتی ءُ اقتصادی موہ آناں چہ پائدگ چست کنگ بہ بیت۔ جام کمال خان ءَ گوشت کہ اے درگت ءَ وزارت تجارت ءَ ویتنام ءَ پاکستانی سفارت خانہ ءُ تجارتی کارندہ ءُ تجارتی مشن آنی کمک ءَ گائیڈ لائنز ءِ سر ءَ کار بندات کتگ۔ وفاقی وزیر ءَ گوشت کہ پاکستان ءُ ویتنام ءِ نیام ءَ بیپار ءِ واستہ جوڑ بوتگیں یکجائی تجارت کمیٹی ءِ تہ ءَ گوستگیں بازیں سال ءَ چہ گند ءُ نند نہ بوتگ۔ ہفت ہشت سال ءَ ایشی ءِ سرا ہچ وڑیں پیشرفت نہ بوتگ۔ ما جہد کت کہ خسارہ ءِ بحالی ءَ بہ کنیں۔ انوگیں تر ءُ تاب ھمے جھد ءِ میوہ اِنت۔ ما اقتصادی ءُ بیپاری سیادی آناں دیمروئی دیگ ءِ واستہ حکمت عملی جوڑ کتگ ءُ ایشی ءِ سر ءَ دستخط ھم کنگ بوتگ۔ وفاقی وزیر ءَ گوشت کہ تر ءُ تاب ءِ ساھت ءَ آئی ءِ ھمکار آنی گوما بازیں گند ءُ نند کنگ بوتگ ایشی ءِ تہ ءَ اے پیسلہ کنگ بوتگ کہ استیں موہ آں چہ کئے ءَ سیت چست کنت۔ آئی ءَ گوشت کہ پاکستان ءُ ویتنام ءِ تہ ءَ کامیابی ءَ گوں تجارتی ڈل آنی مٹ مٹ ءُ بدلی کتگ تانکہ سیادی داروکیں شوبگ آنی تہ ءَ دو نیمگی ءُ کثیر نیمگی سیادی ءُ بیپاری ءَ را دیمروئی دیگ بہ بیت۔ آئی ءَ گوشت کہ ویتنام پاکستان ءِ جتا جتائیں شوبگ آنی تہ ءَ دلگوشی ءِ درشان کنگ ءَ انت تانکہ دو نیمگی سیادی ءَ را گیش کنگ بہ بیت۔ آئی ءَ گوشت کہ من ویتنام ءِ وزیر تجارت ءُ سرمایہ کاری ءَ را پاکستان ءِ تر ءُ تاب ءِ واستہ دعوت داتگ تانکہ آ معیشت ءِ جتا جتائیں شوبگ آنی تہ ءَ استیں موہ آنی بابت ءَ سرپدی بہ زوریت، اے درگت ءَ مزن وزیر زوت مزن تک ءِ گند ءُ نند ءِ لوٹ کنگ ءَ انت۔ جام کمال خان ءَ گوشت کہ ویتنام دگنیا ءِ تہ ءَ یک ھاسیں معیشت اِنت، ایشی ءِ تہ ءَ اے سال ءَ جی ڈی پی ءِ شرح 7.5درسد اِنت ءُ آیوکیں دو سال آنی تہ ءَ ویتنام وتی اقتصادی دیمروئی ءِ شرح ءَ را دو ہندسہ ءَ سر کنگ لوٹ ایت، آ وتی کلیں تجارت ءَ را 800 ارب ڈالر ءَ چہ یک کھرب ڈالر ءَ سر کنگ لوٹ ایت، اے پاکستان ءِ واستہ یک ارب ڈالر ءِ موہ اِنت۔ آئی ءَ گوشت کہ بازیں وھد ءَ پد مئے ویتنام ءِ گوما سرجمیں گند ءُ نند بوتگ ءُ ما روڈ میپ جوڑ کتگ۔ آئی ءَ گوشت کہ من پاکستان ءِ کاروباری ءُ صنعتی براتی ءَ را دعوت دیان آں کہ آ ویتنام ءِ گوما دو نیمگی سیادی آناں دیمروئی دیگ ءِ واستہ وتی کرد ءَ پیلو بہ کنت۔ آئی ءَ گوشت کہ دو نیمگی اقتصادی سیادی ءَ را دیمروئی دیگ ءِ واستہ پاکستان ءُ ویتنام وتی وتی کاروباری ءُ صنعتی کمیونٹی آناں توانائی ءُ دلچسپی ءِ شوبگ آنی بابت ءَ سرجمیں سرپدی پجاری کن اَنت۔ آئی ءَ گوشت کہ ویتنام ءَ کشت ءُ کشاری معیشت ءِ تہ ءَ مزنیں پیشرفت کتگ ءُ اے تجربگ ءَ چہ سیت چست کنگ ءِ واستہ من مرکزی بینک آف ویتنام ءِ مزنیں کارندہ آنی گوما ھم گند ءُ نند کتگ۔ آئی ءَ گوشت کہ ویتنام ءَ جتاجتائیں ملک آنی کرنسی چھاپ کنگ بوھگ ءَ انت ءُ ویتنام ءِ مرکزی بینک ءِ کارندہ آں اے رد ءَ پاکستان ءِ گوما شریکداری کنگ ءِ واھشت ءِ درشان کتگ۔ آئی ءَ وتی امیت ءِ درشانی کت کہ انوگیں تر ءُ تاب ءَ چہ جوانیں آسراتی رس ایت۔