وفاقی وزیر ڈاکٹر طارق فضل چوہدری ءِ گشگ انت کہ گچین کاری ءِ تہا الیکٹرانک ووٹنگ مشینانی کارمرز کنگ ءِ سرا درستیں سیاسی گل ءُ پارلیمنٹ ءِ باسک آنی پراہیں تپاکی ءِ سرا بندوک انت

اسلام آباد۔12جولائی (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ گوشت کہ گچین کاری آنی تہ ءَ الیکٹرانک ووٹنگ مشین آنی کارمرد کنگ ءِ سر ءَ سرجمیں سیاسی گل ءُ پارلیمنٹ ءِ باسک آنی پراہیں تپاکی ءِ سر ءَ بندوک اِنت، تپاکی ءِ ھست نہ بوھگ ءَ اے عمل دیم ءَ شُت نہ کنت۔ شمبے ءِ روچ ءَ یک انٹرویو ءِ تہ ءَ وفاقی وزیر ءَ گوشت کہ اے ھوالگ ءَ ھچ وڑیں رش کنگ مہ بیت ءُ آسر آناں جوانیں رنگ ءَ چارگ ءِ ضلورت اِنت۔ اے گپ ھم چارگ المی اِنت کہ لس مھلوک ءُ درستیں سیاسی گل اے عمل ءِ سر ءَ چے پیمیں بھروسہ کن اَنت۔ گوست ءَ ھم اے بابت ءَ تپاکی ءِ کوشست کنگ بوتگ بلے سوب مند نہ بوتگ۔ آئی ءَ گوشت کہ اے تجربگ نوکیں جیڈھ آنی سبب جوڑ بوت کنت، ایشی ءِ سبب ءَ ھرکس یکجا بوھگ ءُ یک تپاکی ءِ سر ءَ سر بوھگ المی اِنت۔ آئی ءَ اے گپ ءِ سر ءَ زور پر دات کہ المی اِنت کہ پارلیمنٹ ءَ ساڑییں دراھیں پارلیمنٹ ءِ باسک یکیں پج ءَ بہ بنت ۔ آئی ءَ گوشت کہ مسلمان راج جمہوریت ءِ سر ءَ ایمان داریت ءُ یک متوازنیں حکمت عملی ءُ سوچ ءِ گوما دیم ءَ روان کنت۔