وفاقی وزیر سردار اویس احمد خان لغاری ءَ مزن وزیر محمد شہباز شریف ءِ منت گپت کہ آئی ءَ بجلی ءِ شوبگ ءَ سک باز لوٹوکیں گہتری کار ءِ ھاتر ءَ وزارت ءِ کوشست آناں من اِتگ

اسلام آباد۔12جولائی (اے پی پی): بجلی ءِ شوبگ ءِ تہ ءَ سک باز لوٹوکیں گہتری کار ءِ واستہ وزارت ءِ کوشست آناں منگ ءِ واستہ مزن وزیر محمد شہباز شریف ءِ بھروسہ ءُ ستا ءِ منت گپت۔ شمبے ءِ روچ ءَ جاڑی بوتگیں بیان ءِ تہ ءَ آئی ءَ گوشت کہ وزارت ءِ گہتری کار ءِ کوشست آنی واستہ برجاھیں بھروسہ ءُ کمک ءِ واستہ مزن وزیر ءِ منت وار آں ۔ آئی ءَ گوشت کہ بجلی ءِ شوبگ ءِ گہتری کار ءِ واستہ مزن وزیر ءِ دلبڈی سک باز المی اِنت، آئی ءَ بجلی ءِ بہر ءُ بانگ ءِ گہتری کار ءَ را ایندگر وزارت آنی واستہ رول ماڈل لیک اِتگ۔ سردار اویس لغاری ءَ گوشت کہ مزن وزیر ءَ بجلی ءِ شوبگ ءِ تاوان ءِ تہ ءَ 191ارب کلدار ءِ مزنیں کمی ءِ ھم ساڑات۔