وفاقی وزیر داخلہ محسن نقوی ڈی ایس پی رحمان خان ءِ شہید ءِ سر ءَ آئی ءَ را یات کنائینتگ

اسلام آباد۔12جولائی (اے پی پی): وفاقی تہی کارانی وزیر محسن نقوی ءَ جنوبی وزیرستان ءَ فتنہ الهندستان ءِ ناشرکارانی اُرش ءَ ٹپیگ بوتگیں ڈی ایس پی رحمان خان ءَ را یات کنائینتگ۔ وزارت داخلہ ءِ نیمگ ءَ جاڑی بوتگیں بیان ءِ تہ ءَ محسن نقوی ءَ شہید بوتگیں ڈی ایس پی رحمان خان ءَ را شگر ءُ منت پیش کتگ ءُ آئی ءِ کھول ءَ گوں دل ءِ جہلانکی ءَ ھمدردی ءُ دلپدردی ءِ درشانی کتگ۔ شہیدیں ڈی ایس پی ءِ مزنیں قربانی ءَ را سلام پیش کنان ءَ گوشت کہ رحمان خان راج ءِ تاج اِنت، بہادریں ڈی ایس پی رحمانی خان ءَ وتی جان ندر کتگ ءُ فرض ءَ چہ کم نہ بوتگ۔ محسن نقوی ءَ گوشت کہ شہیدیں ڈی ایس پی رحمانی خان کہ یک بہادریں اھوالکارے بوتگ، پختونخوا پولیس ءِ شان انت۔ ناشرکاری ءِ ھلاپ ءَ جنگ ءَ خیبر پختونخوا پولیس ءِ افسر ءُ سپاھیگ آنی ابدمانیں قربانی گندگ نہ بنت۔ محسن نقوی ءَ گوشت کہ ما شہید ڈی ایس پی رحمانی خان ءِ کھول ءِ ھمراہی ءَ اوشتاتگ آں ءُ مدام آھانی ھمراہی ءَ اوشتاتگ ایں ۔\932