مزن وزیر شہباز شریف ءِ اولی ترجی راجی دیمروئی ءُ راجی وشھالی اِنت، وفاقی وزیر رانا تنویر حسین

شیخوپورہ۔ 12 جولائی (اے پی پی): پاکستان مسلم لیگ نواز ءِ مرکزی رہشون ءُ راجی وردن ءُ وراک ءِ سلامتی ءُ پٹ ءُ پول ءِ وفاقی وزیر رانا تنویر حسین ءَ گشتگ کہ مزن وزیر محمد شہباز شریف ءِ اولی ترجی راجی دیمروئی ءُ راجی وشحالی انت۔ انوگیں حکومت ءَ کشت ءُ کشاری، جان سلامتی ءُ وانگ ءُ زانگ ءَ ھوار ہر شعبہ ءَ انقلابی پروگرام بندات کتگ کہ ایشی ءِ میوہ راج ءَ را دیم دیگ بوھگ ءَ انت۔ اے ھیالانی درشانی آئی ءَ شھر جھیبران ءَ نادر اے کارگس ءِ بنگیج کنگ ءِ مراگش ءَ گوں گشتانک دیان ءَ کت۔ وفاقی پارلیمنٹ ءِ پیسریگیں پارلیمانی سیکرٹری سردار محمد عرفان ڈوگر، سابق ناظم رانا ممتازمحمود مون خاں، نواز لیگ کے سینئر رہنما چوہدری شہباز چھینہ، رانا وحید احمد خاں، بیرسٹر جمال مجتبیٰ، چوہدری محموداختر گورایہ، سابق ناظم قلب حسین بھٹی، چوہدری اظہار حسین مون خاں بھٹی، چوہدری سرفراز چھینہ، رانا عبدالجبار خاں ءُ دگہ بازیں مردم ساڑی اتنت۔ آئی ءَ گوشت کہ استیں حکومت ءِ جوانیں سفارتکاری ءِ سبب ءَ دوستیں ملک آنی ھوار توامیں ملک آنی گوما سیادی کم کم ءَ مھکم بوھگ ءَ انت ءُ پاکستان دگنیا ءَ دیم ءَ روان انت۔ وفاقی وزیر رانا تنویر حسن ءَ گوشت کہ نواز حکومت ءَ وتی واک ءُ طاقت ءِ ھمک دور ءَ الس آناں گس ءِ دپ ءَ آسراتی داتگ ءُ ملک دیمروئی ءِ کشک ءَ جنزان بوتگ۔ بندر، یونیورسٹی، پاور پلانٹ، موٹروے ءُ میگا ڈویلپمنٹ پروجیکٹ حکومت ءِ نیمگ ءَ داتگ انت۔ مزن وزیر شہباز شریف ءِ متحرک سروکی ءَ ملک دیمروئی ءِ نیمگ ءَ جنزان انت۔ اسٹاک انڈیکس 12 ہزار ءَ چہ یک لکھ 35 ہزار ءَ سر بوتگ کہ اے راجدپتری ریکارڈ انت۔ ھمے رنگ ءَ انوگیں سرکار ءَ کشت ءُ کشاری ءِ پڑ ءَ انقلابی پروگرام بندات کتگ اَنت، چوش کہ کسان کارڈ ءِ شنگ کنگ ءُ مفت ٹریکٹر ءِ بھر ءُ بانگ کنگ۔ آیوکیں شش ماہ ءَ کشت ءُ کشاری ءَ را جوانیں جاور دیئگ بنت دانکہ فصلانی کٹگ بہ بیت۔ قیمتانی تہا گیشی بوت کنت، جعلی کرنسی ءِ کاروبار ءَ ہواریں 392 کمپنیانی لائسنس منسوخ کنگ بوتگ انت، وھدے کہ 1200 کمپنیانی حلاف ءَ پٹ ءُ پول برجاہ انت۔ مزن وزیر شہباز شریف ءُ پنجاب ءِ سر وزیر مریم نواز شریف الس ءِ زندمان ءِ شرپ ءَ را برز کنگ ءِ واستہ سرگرم انت۔ تحریک انصاف ءِ دور ءَ وفاقی ءُ صوبائی تک ءَ گورننس مزنیں کچے ءَ تباہ بوتگ۔ تحریک انصاف ءِ بانی ءُ عثمان بزدار ءَ ملک ءِ دیوالیہ کنگ ءَ ہچ وڑیں سنگ ءُ پُل نہ یلہ داتگ ات، البت مئے سرکار ءَ ملک ءَ را دیوالیہ کنگ ءَ چہ رکینتگ ءُ نیکیں حکومت داری ءِ قیام کتگ ات۔ آئی ءَ گوشت کہ شناسنامہ ھمک شہری ءِ ھک ءُ لوٹ انت۔ جھبران منڈی ءَ نادرا مرکز ءِ جوڑ بوھگ ءَ چہ دمگ ءِ مہلوک ءَ را سک باز آسراتی رستگ۔