پاکستان تہذیبانی چوک ءَ جاہ منندیں راجے، سی پیک تہذیبانی یکجا کنگ ءِ راہ اِنت، آیوکیں وھد ڈیجیٹل کنکشنانی تہا اِنت، ڈیجیٹل میڈیا مئے نوکیں راہداری اِنت، عطا اللہ تارڑ

بیجنگ۔11جولائی (اے پی پی): وفاقی وزیر ءِ اھوالکاری ءُ شنگکاری عطا اللہ تارڑ ءَ گوشت کہ پاکستان یک راجے کہ تہذیب آنی چوراہہ ءَ جاہ منند اِنت، سی پیک تہذیب آناں یکجا کنگ ءِ راہ اِنت، ما موہنجو دارو ءُ ٹیکسیلا ءِ وڑیں راجدپتری میراث آنی وارث ایں، اے بس راجدپتر ءُ تہذیب اَنت بلے مئے شعور ءِ تہ ءَ نہ اَنت۔ ورنا آنی ھیال ءُ لیکہ ءِ رد ءَ حکومت ءَ دود ءُ ربیدگ ءُ ورثہ ءِ ڈیجیٹلائزیشن ءِ عمل بندات کتگ، آیوکیں وھد ڈیجیٹل کنکشن آنی تہ ءَ اِنت، ڈیجیٹل میڈیا مئے نوکیں راہداری اِنت، ما صدر شی جن پنگ ءَ را یک جھان ءِ تہذیب ءِ گامگیج ءِ وژن پیش کنگ ءِ ھاترا خراج تحسین پیش کن ایں ۔ آئی ءَ اے ھیالانی درشانی جمعہ ءِ روچ ءَ "سولائزیشن ایکسچینج اینڈ میوچل لرننگ ۔ ثقافتی وراثت اور جدت“ ءِ سرھال ءَ برجم داشتگیں فورم ءَ گوں تران کنان ءَ کت۔ وفاقی وزیر ءِ اھوالکاری ءَ فورم ءَ بھر زوروکیں دگنیا ءِ سروک، زانتکار ءُ پٹ ءُ پولکار آنی دیم ءَ پاکستان ءُ چین ءِ نیام ءَ راجدپتری، دود ءُ ربیدگی ءُ تہذیبی سیادی آناں پدر کت۔ آئی ءَ گوشت کہ مرچی اے دیوان ءَ اسلامی جمہوریہ پاکستان ءِ نمائندگی کنگ منی واستہ شرپ ءِ گپ انت۔ ما چین ءَ مدام وتی آہنی برات گُشتگ۔ آئرن برات ءُ گہار ءِ گالوار ایوک ءَ گال نہ اِنت بلکیں یک گہتریں راجدپتری، دودمانی ءُ تہذیبی وابستگی ءِ علامت اِنت۔ عطا اللہ تارڑ ءَ گوشت کہ پاکستان ءُ چین ایوک ءَ ھمساھگیں ملک نہ اَنت بلکیں مئے سیمسر، کوہ ءُ دریا ھم یکے دومی ءَ گوں بندوک اَنت کہ آ یک مزنیں تہذیب ءِ برگ ءَ اَنت کہ سداں سالاں ھوار اِنت۔ پاکستان وادی سندھ ءِ مزنیں تہذیب ءِ وارث انت ءُ اے تہذیب چین ءَ چہ بندات بیت۔ کوھنیں ریشم ءِ راہ ءَ مرچی چین ءُ پاکستان ءِ اقتصادی راہداری ءِ شکل زرتگ کہ ایشی ءَ چہ ایوک ءَ تجارتی منصوبہ نہ اِنت بلکیں تہذیباں گوں ہمگرنچ کنگ ءِ راہ اِنت۔ وفاقی وزیر ءَ گوشت کہ پاکستان یک راجے کہ تہذیب آنی چوراہہ ءَ جاہ منند اِنت، مئے مزنیں دود ءُ ربیدگ ءِ ورثہ ڈیجیٹل دور ءَ نوکیں نوآبادیاتی ءِ گوما زندگ بوھگ ءَ اِنت، مئے وطن کوھنیں گنڈھارا تہذیب ءِ گس اِنت کہ اودا ہزاراں سال ءِ کوھنیں بدھ مت ءِ یاتگار مرچی ھم داریٹاگز ءِ رکھینگ بوتگ اَنت ءُ ما آئی ءِ وڑیں موتوری ءِ وارث ایں، ما آئی ءِ وارث ایں تہذیب کہ ایوک ءَ راجدپتر ءِ یک بابے نہ اَنت بلکیں مئے شعور، مئے مہارت ءُ مئے ورناہانی ھیالانی تہا انگت زندگ اَنت۔ آئی ءَ گوشت کہ حکومت ءِ نیمگ ءَ دود ءُ ربیدگ ءِ ڈیجیٹلائزیشن ءِ کار بندات کنگ بوتگ، نوکیں باھند آناں نوکیں سوچ ءُ نوکیں رنگ پجاری ءِ موہ دیگ لوٹ ایت۔ آئی ءَ گوشت کہ مئے شائری، دستکاری ءُ مئے ورنا آنی واب آنی تہ ءَ مئے میراث زندگ انت۔ وفاقی وزیر اطلاعات ءَ صدر شی جن پنگ ءِ گلوبل تہذیب ءِ گامگیج ءَ را خراج تحسین پیش کت ءُ گوشت کہ مرچی ما اے وژن ءِ عملی عکس ءِ رنگ ءَ ادا آں ۔ آئی ءَ وتی زاتی تجربگ ءِ حوالہ ءَ گوشت کہ 2009 ءَ من اولی رند ءَ پیپلز ایکسچینج پروگرام ءِ چیر دستی ءَ چین ءَ اتکگ آں ءُ مرچی من پالیسی ساز ءِ بستار ءَ ادا آں ۔ عطا اللہ تارڑ ءَ گوشت کہ پاکستان ءُ چین ءِ نیام ءَ شریکداری ایوک ءَ حکومتی تک ءَ گوں بندوک نہ اِنت، ما چائنا میڈیا گروپ ءِ ھمکوپگی ءَ بازیں پروگرام بندات کتگ کہ مئے ورنا آناں رُژن، سرپد ءُ توانمند کنگ ءَ اَنت۔ آئی ءَ ’’ہائی چین ہائی پاکستان‘‘ پروگرام ءُ ہوا شانگ ویکلی ءِ شنگ کنگ ءِ ذکر کت کہ دوئیں راج آنی نیام ءَ سیادی ءَ را گیش مھکم کنگ بیت۔ آئی ءَ گوشت کہ سلام چین، سلام پاکستان یک انچیں پروگرام اِنت کہ ایشی ءِ تہ ءَ دوستی، پجار ءُ وت مہ وتی شرپ ءُ شرپ ءِ دیمروئی بیت، پاکستان ءَ چہ انگریزی ءُ چینی زبان ءَ چاپ بوتگیں ہوا شانگ ویکلی دوئیں راج آناں یک دومی ءِ گوما نزیک کنگ ءَ اِنت۔ آئی ءَ گوشت کہ پاکستان ءُ چین ءِ سرکاری نشریات ءِ ادارگ آنی نیام ءَ کمک ءِ معاہدہ کنگ بوتگ ءُ نوں یکجائی ڈاکومنٹری ءُ فلم جوڑیشت ءِ نیمگ ءَ دیمروئی بوھگ ءَ انت۔ مئے آیوکیں مول ءُ مراد ڈیجیٹل میڈیا ءِ انفلوئنسر آنی بدلی اِنت تانکہ پاکستان ءُ چین ءِ ورنا یکجائی ءَ سوشل میڈیا ءِ وسیلگ ءَ دود ءُ ربیدگ، سیل ءُ سواد ءُ راجدپتر ءَ را دگنیا ءِ دیم ءَ پیش بہ کن اَنت۔ وفاقی وزیر ءَ گوشت کہ آیوکیں وھد نوں ڈیجیٹل کنکشن آنی تہ ءَ اِنت، ڈیجیٹل میڈیا مئے نوکیں راہداری اِنت، یک انچیں راہداری اِنت کہ دود ءُ ربیدگ، دوستی ءُ دیمروئی ءَ را یکجا کنت۔ وفاقی وزیر ءِ اھوالکاری ءَ وتی گشتانک ءِ گڈ ءَ گوشت کہ مارا پرامنیں باندات لوٹ ایت کہ اودا آپ ءَ را سلاہ ءِ بدل ءَ امن ءِ وسیلگ جوڑ کنگ بہ بیت۔ ما وادی سندھ ءِ مردم ایں، تہذیب ءِ وارث ایں. آئی ءَ صدر شی جن پنگ ءِ ھیال ءِ رد ءَ فورم ءِ برجم دارگ ءِ ھاتر ءَ درستیں بھر زوروک ءُ میزبانیں ملک ءِ منت گپت۔