اسپیکر راجی اسمبلی ءَ ڈھاکہ ءَ فتنہ ہندوستان ءِ ناشرکارانی نیمگ ءَ مسافر آنی سر ءَ اُرش ءِ مذمت

اسلام آباد۔11جولائی (اے پی پی):راجی اسمبلی ءِ اسپیکر سردار ایاز صادق ءَ ڈھاکہ سر بلوچستان ءَ فتنہ ہندوستان ءِ ناشرکارانی نیمگ ءَ بے گناھیں مسافر آنی سر ءَ اُرش ءِ سک باز مذمت کتگ ۔ جمعہ ءِ روچ ءَ قومی اسمبلی ءِ سیکرٹریٹ ءِ نیمگ ءَ جاڑی بوتگیں بیان ءِ رد ءَ اسپیکر قومی اسمبلی ءَ ناشرکاری ءِ آماچیں مردمانی کھول ءِ گوما دلپدردی ءِ درشانی کتگ ءُ گوشت کہ شہید آنی کھول ءِ غم ءَ یک پیم ءَ شریک آں ۔ آئی ءَ گوشت کہ بے گناہیں شہری آنی سر ءَ اُرش غیر انسانی بربریت ءِ بدتریں درور انت، ناشرکاریں عناصر راجی یکوئی ءُ امن ءَ را تاوان دیگ لوٹ اَنت۔ سردار ایاز صادق ءَ گوشت کہ ھندوستان ءِ چیردستی ءَ ھمک پندل ءِ ناکام کنگ ءِ واستہ راج یکجاھ اِنت، ناشرکار ءُ آھانی آسراتی کنوک کانود ءِ دیم ءَ آرگ بنت۔ قومی اسمبلی ءِ صدر ءَ شہیدانی کھول ءِ گوما یکوئی ءِ درشانی کتگ ءُ گوشت کہ پارلیمنٹ ناشرکاری ءِ ھلاپ ءَ سلاہ بندیں اُرد ءُ سیکورٹی ادارگ آنی ھمراھی ءَ اوشتاتگ۔ سیکورٹی فورسز ہندوستان ءِ حمایت کتگیں ناشرکارانی ھلاس کنگ ءَ یقیںن ءَ سوبمند بنت۔ آئی ءَ شہیدانی رِتک برز کنگ ءُ غم ءِ آماچیں کھول ءِ واستہ صبر ءُ اوپار ءِ دعا لوٹ اِت۔