وفاقی تہی کارانی ءِ وزیر ءَ امارات ءِ نائب مزن وزیر ءُ تہی کارانی ءِ وزیر لیفٹیننٹ جنرل شیخ سیف بن زاید النہیان ءَ گوں گند ءُ نند کتگ، دو نیمگی کمک ءِ دیمروئی ءِ ھاتر ءَ جزم ءِ درشان

ابوظہبی۔11جولائی (اے پی پی): بنجاھی تہی کارانی وزیر محسن نقوی ءَ امارات ءِ نائب مزن وزیر ءُ تہی کارانی وزیر لیفٹیننٹ جنرل شیخ سیف بن زاید النہیان ءَ گوں گند ءُ نند کتگ ءُ پاکستانی شہری آنی دیم ءَ اتکگیں ویزہ ءِ جیڈھ ءُ سیکورٹی کمک، کمک ءَ را گیش کنگ ءُ پری حساب ءُ ٹیکنالوجی ءِ تبادلہ ءِ سر ءَ گپ ءُ تران کتگ۔ غیر قانونی امیگریشن ءِ سرا انت۔ وزارت تہی کارانی ءِ نیمگ ءَ چہ جاڑی بوتگیں بیان ءِ رد ءَ وفاقی وزیر تہی کارانی محسن نقوی ءَ را آئی ءِ سر بوھگ ءَ پد آئی ءَ را گہتری ءَ گوں وش آتک کنگ بوت ءُ آئی ءَ را گارڈ آف آنر پیش کنگ بوت۔ آئی ءَ را امارات ءِ وزارت تہی کارانی ءِ مزنیں کارندہ آں گوں ھم پجار کنگ بوتگ۔ گند ءُ نند ءَ امارات ءِ ویزہ ءِ جیڈھ ءِ سر ءَ پاکستانی شہری آنی دیمپانی ءَ گپ ءُ تران کنگ بوت۔ سیکورٹی کمک ءِ ھوالگ ءَ کمک ءَ را گیش کنگ ءُ انسداد منشیات، اینٹی اسمگلنگ ءُ ناجائزیں امیگریشن ءِ گر ءُ دار ءِ واستہ ٹیکنالوجی ءِ بدلی ءِ سر ءَ ھم گپ ءُ تران کنگ بوت۔ گند ءُ نند ءَ دوئیں دوستیں ملک آنی نیام ءَ راجدپتری سیادی آنی سر ءَ ھیال ریچی کنگ بوت۔ دوئیں تہی کارانی ءِ وزیر آں جتا جتائیں شوبگ آنی تہ ءَ دو نیمگی کمک ءَ را دیمروئی دیگ ءِ واستہ وتی جزم ءِ پدا زور دات۔ دمگ ءِ جاور ءُ دمگ ءِ پائیداریں امن ءِ بابت ءَ ھم گپ ءُ تران کنگ بوت۔ دیوان ءَ سیکورٹی چیلنج آناں گیواری ءِ واستہ نوکیں ٹیکنالوجی ھاسیں رنگ ءَ مصنوعی ذہانت ءَ را کارمرد کنگ ءِ ضلورت ءِ سر ءَ زور پر دات۔ ایشاں پاکستانی شہری آنی واستہ ویزہ ھاسیں رنگ ءَ ورک ویزہ ءِ آسراتی ءِ واستہ المی ئیں گامگیج آنی سر ءَ تپاک کتگ۔ امارات ءِ تہی کارانی وزیر ءَ اے درگت ءَ ھمک رنگ ءِ کمک ءِ دل یکیمی دات۔ وفاقی تہی کارانی وزیر ءَ گوشت کہ امارات ءِ گوما برات ءِ سیادی پاکستانی آنی واستہ سرمایہ انت۔ آئی ءَ گوشت کہ سیکورٹی ءَ ھوار دو نیمگی کمک ءِ ھمک شوبگ ءَ کمک ءَ را گیش پراھی کنگ لوٹ ایت۔ محسن نقوی ءَ گوشت کہ امارات ءِ معیشت ءَ را مھکم کنگ ءَ پاکستانی مزنیں کساس ءَ کرد پیلو کنگ ءَ انت۔ آ لوٹ اَنت کہ پاکستانی شہری آسانی ءَ امارات ءَ بیا اَنت۔ تہی کارانی وزیر محسن نقوی ءَ گوشت کہ ویزہ پالیشی ءِ آسانی ءَ گوں شہری آناں بازیں ریلیف رس ایت۔ وزیر تہی کارانی ءَ امن ءُ ایمنی ءُ جرم ءِ گر ءُ دار ءِ واستہ ابوظہبی پولیسنگ ءِ جدید سسٹم ءُ آپریشن روم ءِ ھم تر ءُ تاب کت۔ وزارت تہی کارانی ءِ کارندہ آں وزیر تہی کارانی محسن نقوی ءَ را نگرانی آپریشن روم ءِ بابت ءَ سرپد کت۔ وزیر تہی کارانی محسن نقوی ءَ پولیس ءِ نوکیں نگرانی ءِ نظام ءَ گوں دلجمی ءِ درشانی کتگ ءُ پولیسنگ ءِ نظام ءَ را ساڑاتگ۔ معاون انڈر سیکرٹری وزارت تہی کارانی ءِ منابع ءُ حمایتی خدمات ، میجر جنرل سالم علی الشمسی ، ابوظہبی پولیس ءِ ڈائریکٹر جنرل ، میجر جنرل شیخ محمد بن طہنون ال ناہیان ، ڈائریکٹر جنرل فدرال مصنوعی ذہانت ءُ ڈیجیٹل سیکورٹی ، بریگیڈیئر جنرل ڈائریکٹر انجن ءِ حومد اے موہ ءِ سر ءَ محکمہ، بریگیڈیئر سعید عبداللہ السویدی ءُ دگہ افسر، امارات ءَ پاکستان ءِ سفیر فیصل نیاز ترمیزی، ڈپٹی ہیڈ آف مشن ءُ مزنیں افسر ھم ھوار اتنت۔