صدر ءِ مملکت ءَ بلوچستان ءَ مسافر آنی بے دردی ئیں کوش ءِ مذمت کتگ، پمیشکیں ھاندان آں گوں دلپدردی درشان کتگ

اسلام آباد۔11جولائی (اے پی پی): صدر آصف علی زرداری ءَ بلوچستان ءَ مسافرانی زالمیں کوش ءِ سک باز مذمت کتگ ءُ گشتگ کہ اے بربریت فتن الہندوستان ءِ یک زھرناکیں پندلے کہ پاکستان ءَ ھون ریچی ءِ سوب جوڑ بہ بیت۔ جمعہ ءِ روچ ءَ صدر ءِ مملکت ءِ کارگس ءِ پریس ونگ ءِ رد ءَ صدر ءِ مملکت ءَ گوشت کہ فتن ال ہندوستان پاکستان ءَ آشوب ءُ ناامنی ءِ شنگ کنگ لوٹ ایت، ناشرکاراں بے گناہیں شہری بس ءَ چہ ایر کتگ ءُ بے دردی ءَ گوں کش اتگ۔ صدر آصف علی زرداری ءَ گوشت کہ ما وتی سرڈگار ءَ را ھرچ قیمت ءَ فتن ال ہندوستان ءُ آئی ءِ آسراتی کنوکاں چہ پاک کن ایں ءُ ناشرکاری ءِ سرجمیں ھلاسی ءَ داں مئے جہد برجاہ مان ایت۔ صدر ءِ مملکت ءَ گوشت کہ ما غم ءِ آماچیں کھول ءِ غم ءَ شریک ایں ءُ آھانی کھول ءِ گوما دل ءِ جہلانکی ءَ ھمدردی ءُ دلپدردی ءِ درشانی کن ایں ۔