پاکستان ءِ مزنیں ورنا آنی آبادی یک انچیں موہ ءِ ھوار یک مزنیں چیلنج ءِ ھم اِنت، مزن وزیر شہباز شریف ءِ جھان ءِ آبادی ءِ روچ ءِ سر ءَ کلوہ

اسلام آباد۔11جولائی (اے پی پی): مزن وزیر محمد شہباز شریف ءَ گوشت کہ پاکستان ءِ ورنا آنی مزنیں آبادی یک انچیں موہ ءِ ھوار یک مزنیں چیلنج ءِ ھم انت، حکومت راجی دیمروئی ءِ واستہ ورنا آناں کارمرد کنگ ءِ واستہ گامگیج زورگ ءَ انت۔ مزن وزیر ءَ جھان ءِ آبادی ءِ روچ ءِ ھوالگ ءَ وتی کلوہ ءِ تہ ءَ گوشت کہ جھان ءِ آبادی ءِ روچ ھمک سال ھمے جزم ءِ گوما برجم دارگ بیت کہ پائیدار آبادی ءِ گیشی ءُ ھواریں دیمروئی ءَ را دیم ءَ برگ ءِ واستہ سرجمیں دگنیا یکجا اِنت۔ اے سال ءِ جھان ءِ آبادی ءِ روچ ءِ بنگپ ”ورنا آناں یک انصاف ءُ اُمیت واریں دگنیا ءِ تہ ءَ وتی لوٹ ءِ ھاندان ءِ جوڑ کنگ ءِ واستہ بااختیار کنگ“ اِنت کہ پاکستان ءِ آبادی ءِ منظر نامہ ءِ واستہ یک ھاسیں کلوہ ءِ دیم ءَ کاریت۔ مزن وزیر ءَ گوشت کہ 242ملین آبادی ءِ گوما پاکستان ایشانی تہ ءَ نزیک ءَ 65درسد مردم 30سال ءَ چہ کم اُمر ءِ مردم اَنت، پاکستان وتی راجدپتر ءِ یک نازرکیں ساھت ءِ سر ءَ اوشتاتگ۔ ورناہانی اے مزنیں کساس یک غیر معمولی موہ ءُ یک مزنیں چیلنج ءِ نمائندگی کنت۔ اگاں نوکیں نسل ءِ رھشونی ءُ بااختیار کنگ ءِ سر ءَ دلگوشی دیگ بہ بیت گڑا مئے ورنائیں آبادی نوآبادیاتی، پیداواری ءُ راجی دیمروئی ءِ ھاترا یک محرک قوت جوڑ بوت کنت۔ البت چوشیں مزنیں ءُ گیش بوھوکیں آبادی ءِ دیم ءَ برگ ءَ چہ سرکاری وسیلگ ءُ حکومتی نظام ءِ سر ءَ ھم مزنیں زور ءُ زوراکی یے کیت۔ آئی ءَ گوشت کہ پاکستان ءِ حکومت یک سرجمیں، ھک آنی سر ءَ بنیات ءِ آبادی ءِ ایجنڈا ءِ سر ءَ سرجمی ءَ جزم اِنت۔ ما صحت ءِ نگہداشت ءِ منصفانہ رسائی ءَ را یقینی جوڑ کنگ ، خاندانی منصوبہ بندی ءَ را فروغ دیگ ءُ ہما نظام ءَ را مھکم کنگ ءِ سرا دلگوش دیگ ءَ ایں کہ آ مردماں وتی مستقبل ءِ بابت ءَ وقار ءُ خودمختاری ءِ گوما انتخاب کنگ ءِ اجازت دنت۔ اے کوشست پائیدار دیمروئی ءِ مول ءُ مراد ءُ ایف پی ءِ ٹارگٹ آنی چیر دستی ءَ پاکستان ءِ زمہ واری آنی گوما سرجمی ءَ ھمگرنچ اَنت۔ یک ہمگامیں، کثیر شعبہ جات ءِ رھبند ءِ ھاتر ءَ آبادی ءِ استحکام ءِ ھاتر ءَ لوٹ اِنت۔ مزن وزیر ءَ سرجمیں سٹیک ہولڈر، وفاقی ءُ صوبائی حکومت، دیمروئی شریک، سول سوسائٹی، نجی شعبہ، مذہبی رہشون ءُ بنجاہی کمیونٹیز ءَ را زور پر دات کہ آ اے چیلنج آنی گیواری ءِ واستہ وتی یکجائی ذمہ واری ءِ دوبر پدر کنگ ءَ انت تانکہ آبادی ءِ چیلنج آناں گیواری ءِ عزم ءَ را دل یکیمی کنگ ءُ پاکستان ءَ را یک جان سلامت ءُ وشھالیں آیوکیں وھد جوڑ کنگ بہ بیت۔