مزن وزیر محمد شہباز شریف ءَ بلوچستان ءِ دمگ سر ڈھاکہ ءَ بس ءِ تہ ءَ چہ مسافر آوار جنگ ءُ کُشگ ءِ سک باز مذمت کتگ، ناشرکاراں گوں گر ءُ چیل بوھگ ءِ جزم ءِ درشان کتگ

اسلام آباد۔11جولائی (اے پی پی): مزن وزیر محمد شہباز شریف ءَ بلوچستان ءِ دمگ سر ڈھاکہ ءَ بس ءِ تہ ءَ چہ مسافر آوار جنگ ءُ کوش ءِ سک باز مذمت کتگ ءُ ناشرکاراں گوں سرجمیں زور ءَ دیم پہ دیم بوھگ ءِ جزم ءِ درشان کتگ۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ گوشت کہ بے سلاہیں شہری آنی کوش فتنہ الهندستان ءِ پدریں ناشرکاری اِنت، آھانی ھون آنی بدلہ زورگ بیت۔ مزن وزیر ءَ گوشت کہ ما ناشرکاری ءِ آفت ءَ گوں جزم، یکوئی ءُ مھکمی ءَ گوں گر ءُ چیل بہ بئیں ءُ ما ناشرکاریءَ را چہ بن چلوکءَ گوجاں ءُ دم کشاں۔