نائب مزن وزیر ءُ دری کارانی وزیر سینیٹر اسحاق ڈار ءَ آسٹریلیا ءِ دری کارانی وزیر ءَ گوں گند ءُ نند کتگ، وت مہ وتی کمک ءَ را دیمروئی دیگ ءِ جزم

کوالالمپور ۔10جولائی (اے پی پی):آسیان ءِ دمگی فورم ءِ ساھت ءَ نائب مزن وزیر ءُ دری کارانی وزیر سینیٹر محمد اسحاق دار ءَ آسٹریلیا ءِ دری کارانی وزیر سینیٹر وانگ ءَ گوں گند ءُ نند کتگ۔ دری کارانی کارگس ءِ جارکش ءِ رد ءَ گند ءُ نند ءِ ساھت ءَ پاکستان ءُ آسٹریلیا ءِ نیام ءَ مھکمیں سیادی ءَ ھوار تجارت، وانگ ءُ زانگ ءُ مردم آنی نیام ءَ مردم آنی رابطہ آنی تہ ءَ وت مہ وتی کمک ءِ دیمروئی ءِ جزم ءِ سر ءَ پدا زور پر دیگ بوت۔ پاکستانی مہاجرین ءُ کرکٹ دوئیں ملکانی نیام ءَ پُل ءِ کرد ءَ پیلو کنگ ءَ انت۔ دوئیں نیمگاں دو نیمگی تجارت ءِ دیمروئی ءِ سر ءَ ھم تپاک کنگ بوتگ کہ اے وھد ءَ ایشی ءِ کساس 1.186ارب ڈالر اِنت۔ ھمے رنگ ءَ وانگ ءُ زانگ ءِ شوبگ ءَ شریکی ءَ را دیمروئی دیگ ءُ مزن تک ءِ سیاسی تبادلہ ءِ تہ ءَ گیشی ءِ سر ءَ تپاک کنگ بوت۔ گند ءُ نند ءِ ساھت ءَ آسیان ءَ ھوار دگہ فورم آنی تہ ءَ ھم وت مہ وتی رابطہ برجاہ دارگ ءِ سر ءَ ھم تپاک کنگ بوت۔