مزن وزیر شہباز شریف ءِ گشگ انت کہ نوکیں ٹیرف رجیم ءِ لوٹ آنی جوانیں رنگ ءَ پیلو کنگ ءِ واستہ کمیشن ءِ نوکیں لیکہ آنی سر ءَ نوکیں رنگ ءَ جوڑ کنگ المی انت

اسلام آباد۔10جولائی (اے پی پی): مزن وزیر محمد شہباز شریف ءَ نیشنل ٹیرف کمیشن ءِ گوستگیں کارکردگی ءِ سر ءَ سیمی نیمگ ءِ چار ءُ تپاسی ءِ پنت ءُ شون کتگ ءُ گوشت کہ نوکیں ٹیرف رجیم ءِ لوٹ آنی جوانیں رنگ ءَ عمل کنگ ءِ واستہ کمیشن ءِ نوکیں لیکہ آنی سر ءَ نوکیں رنگ ءَ جوڑ کنگ المی اِنت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ نیشنل ٹیرف کمیشن ءِ کارکردگی ءِ سر ءَ چار ءُ تپاسی ءِ دیوان برجم دارگ بوتگ ایشی ءِ تہ ءَ موسمیاتی بدلی ءِ بنجاھی وزیر ڈاکٹر مصدق ملک ،بنجاھی وزیر خزانہ محمد اورنگزیب، بنجاھی وزیرِ اقتصادی کار احد خان چیمہ، بنجاھی وزیر برائے پیٹرولیم علی پرویز ملک ءُ سیادی داروکیں سرکاری مزنیں کارندہ آں بہر زرتگ۔ مزن وزیر ءَ نیشنل ٹیرف کمیشن ءِ کانودی، انتظامی ءُ ایندگر ادارگی اختیار ءُ زمہ واری آناں ایمرجنسی بنیات ءِ تہ ءَ نوکیں رنگ ءَ جوڑ کنگ ءِپنت ءُ شون کت ءُ گوشت کہ نیشنل ٹیرف کمیشن ءِ نوکیں کارکردگی ءِ سر ءَ سیمی نیمگ ءَ چار ئُ تپاسی المی اِنت۔ اے گیشتر کارکردگی جوڑ کنگ بہ بیت۔ آئی ءَ گوشت کہ نوکیں ٹیرف رجیم ءِ لوٹ آناں جوانیں رنگ ءَ پیلو کنگ ءِ واستہ نیشنل ٹیرف کمیشن ءَ را نوکیں لیکہ آنی سر ءَ نوک جوڑ کنگ بہ بیت۔ نیشنل ٹیرف کمیشن ءَ را ملکی کاروبار، درآمد ءُ برآمد ءِ مارکیٹ ءِ ھوالگ ءَ درستیں زمینی حقائق آناں یکجا کنگ ءِ یک موثریں صلاحیت ءِ ھست بہ بیت۔ آئی ءَ گوشت کہ نیشنل ٹیرف کمیشن ءِ آٹومیٹک ءُ موثر پٹ ءُ پولی گنجائش ملکی کاروبار ءَ را دیم ءَ اتکگیں جیڈھ آنی گیواری ءَ کلیدی کرد پیلو کت کنت۔ آئی ءَ گوشت کہ حکومت نیشنل ٹیرف کمیشن ءِ تربیت ءُ وسیلگ آنی کمی ءَ را گر ءُ دار کنگ ءُ وتی کار آناں نوکیں لوٹ آنی گوما ھمگرنچ کنگ ءِ واستہ جزمیگ انت۔ مزن وزیر ءَ نیشنل ٹیرف کمیشن ءِ اپیلٹ ٹربیونل ءَ را زوت فعال کنگ ءُ آیوکیں ماہ ءَ نوکیں رہشونی ءِ بابت ءَ پیشرفت ءِ بریفنگ دیگ ءِ پنت ءُ شون کتگ۔