مزن وزیر شہباز شریف ءَ قطری کوہ پیم ءَ گوں گند ءُ نند ءَ گشتگ کہ پاکستان کوہ ءِ سر ءَ سرکپگ ءُ ایڈونچر ءِ شوہاز کنوک آنی واستہ یک ھاسیں منزلے

اسلام آباد۔10جولائی (اے پی پی):مزن وزیر محمد شہباز شریف ءَ پاکستان ءَ میاں اوستمانی کوہ ءِ سر ءَ سرکپگں دعوت داتگ ءُ اے درگت ءَ حکومت ءِ سرجمیں کمک ءِ دل یکیمی داتگ ءُ گوشت کہ پاکستان کوہ پیم ءُ مہم جوئی ءِ شوھاز کنوک آنی واستہ یک ھاسیں منزل اِنت۔ آئی ءَ اے ھیالانی درشانی شیخہ اسماء التھانی ءَ گوں گپ ءُ تران کنان ءَ کت کہ آ اولی قطری زالبولیں کوہ ءِ سر ءَ سرکپگ اِنت کہ آئی ءَ انوگیں وھد ءَ نانگا پربت ءَ سر بوتگ ءُ آئی ءَ پنچ شمبے ءِ روچ ءَ ادا آئی ءَ گوں گند ءُ نند کتگ۔ مزن وزیر ءَ شیخا اسماء الثانی ءَ را خلیج ءُ قطر ءِ اولی زالبولیں کوہ ءِ سر ءَ سرکپگ بوھگ ءِ سر ءَ مبارک بات دات کہ آئی ءَ نانگا پربت ءِ سر ءَ سر بوتگ۔ مزن وزیر ءَ آئی ءِ غیر معمولی ہمت ءُ جزم ءِ توسیپ کنان ءَ ایڈونچر ءُکوہ ءِ سر ءَ سرکپگئی ءِ وسیلگ ءَ سرجمیں دگنیا ءَ زالبول ھاسیں رنگ ءَ ورنا آناں بااختیار جوڑ کنگ ءِ بابت ءَ سرپدی ءِ دیمروئی ءِ تہ ءَ آئی ءِ کرد ءِ توسیپ کت۔ پاکستان ءِ قدرتی زیبائی ءَ را پدر کنگ ءِ واستہ آئی ءِ کوشست آنی رد ءَ مزن وزیر ءَ شیخا اسماء التھانی ءَ را پاکستان ءِ کوہ ءُ سیل ءُ سواد ءِ واستہ برانڈ ایمبیسڈر ءِ بستار ءَ گچین کنگ ءِ جار جت۔ مزن وزیر ءَ گوشت کہ پاکستان ءَ دگنیا ءِ 14بُرزتریں کوہ آنی تہ ءَ چہ 5 کوہ آنی ھست بوھگ نہ ایوک ءَ پاکستان ءِ واستہ فخر ءِ گپ اِنت بلکینگ ءَ کوہ ءِ سر ءَ سرکپگءُ ایڈونچر ءِ شوھازکار آنی واستہ یک مزنیں منزل ءِ جوڑ کنت۔ آئی ءَ پاکستان ءِ وشیں کوہ آنی گچین کنگ ءُ آھانی قدرتی زیبائی ءِ نیمگ ءَ دگنیا ءِ دلگوشی ءَ را وتی نیمگ ءَ آرگ ءِ تہ ءَ ارزشتی ایں کرد ءِ سر ءَ شیخا اسماء ءِ منت گپت۔ آئی ءَ پاکستانی کوہ ءِ سر ءَ سرکپگ، پورٹر ءُ رہشونانی نام ھم گپتگ کہ آ وتی مہم آنی تہ ءَ سرجمیں دگنیا ءِ کوہ ءِ سر ءَ سرکپگ آنی کمک ءَ کن اَنت۔ مزن وزیر ءَ گوشت کہ آھانی مہارت ءُ لگن ءِ سبب ءَ میاں اوستمانی کوہ ءِ سر ءَ سرکپگ آنی غیر معمولی کامیابی آنی تہ ءَ المی انت۔ مزن وزیر ءَ پاکستان ءُ قطر ءِ نیام ءَ گہتریں ءُ دوستی ءِ سیادی ءِ سر ءَ زور پر دیان ءَ گوشت کہ شیخا اسماء ءِ سوبمندی دوئیں ملک آنی نیام ءَ دلیری، جوانیں عزائم ءُ برداشت ءِ یکجائی قدر آنی درشان اِنت۔ آئی ءَ ایڈونچر ٹورزم، اسپورٹس ءُ ورنا آنی شمولیت ءِ شوبگ آنی تہ ءَ دو نیمگی کمک ءَ را گیش کنگ ءِ واستا واھشت ءِ درشان کت۔ مزن وزیر ءَ برابر ءِ موہ پیداک کنگ ءِ تہ ءَ جینڈر ایکویٹی کمیشن ءِ نائب صدر ءِ بستار ءَ شیخا اسماء ءِ سرگرمیں کرد ءِ ھم توسیپ کت۔ مزن وزیر ءَ پاکستان ءِ حکومت ءِ نیمگ ءَ چہ میاں اوستمانی کوہ ءِ سر ءَ سرکپگ آنی واستہ برجاھیں کمک ءِ سر ءَ زور پر دات، آھاں توامیں المی آسراتی، ایمنی ءُ مہمان داری ءِ دل یکیمی دات۔ مزن وزیر ءَ شیخا اسماء ءَ را آیوکیں وھد ءَ گیش کوہ ءِ سر ءَ سرکپگئی ءِ مہم آنی واستہ پاکستان ءِ تر ءُ تاب ءِ واستہ دعوت دات ءُ جتائیں ءُ ساہ کشیں ندارگ آناں چارگ ءِ دعوت دات۔ شیخہ اسماء الثانی ءَ مزن وزیر ءُ پاکستان ءِ مہمان داری ءِ پد ءَ الس ءِ شگر ءُ منت گپت۔ نانگا پربت ءِ وتی انوگیں مہم ءِ حوالہ ءَ آئی ءَ دمگی پورٹر ءُ گائیڈ آنی کمک ءِ توسیپ کتگ ءُ اے شانداریں کوہ ءِ زیبائی ءِ ہم توسیپ کتگ۔ آئی ءَ K2 ءِ بابت ءَ بیان کتگ کہ آئی ءَ ماضی ءَ پیمانہ کتگ ، آئی ءَ چست بوتگیں درستیں چوٹیانی تہا شرتریں چوٹی لیک اتگ ءُ گشتگ کہ ایشی ءِ زیبائی بے مثال انت۔ مزن وزیر ءَ شیخہ اسماء التھانی ءِ نیکیں واھگ آنی درشان کت۔