بنجاھی وزیر اطلاعات عطا اللہ تارڑ ءُ سی پیک ءِ مرکزی کمیٹی ءِ پبلسٹی ڈیپارٹمنٹ ءِ ڈپٹی سروک ساؤ شومین ءَ میڈیا، جعلی حال ءُ سی پیک ءِ کمک ءِ بابت ءَ سرجمیں گند ءُ نند کتگ

بیجنگ۔10جولائی (اے پی پی):چین ءِ کمیونسٹ پارٹی ءِ مرکزی کمیٹی ءِ پبلسٹی ڈیپارٹمنٹ ءِ ڈپٹی سروک، چین ءِ راجی ریڈیو ءُ ٹیلی ویژن انتظامیہ ءِ وزیر ءُ پارٹی سیکرٹری ساؤ شومین ءَ پنچ شمبے ءِ روچ ءَ ادا ھاسیں گند ءُ نند کت۔ گند ءُ نند ءَ پاکستان ءُ چین ءِ نیام ءَ دو نیمگی میڈیا کمک ءَ را گیش کنگ ءِ آسراتی، یکجائی پروڈکشن، جعلی حالانی ھلاپ ءَ جنگ، تربیتی پروگرام ءُ دود ءُ ربیدگی تبادلہ ءِ نوکیں موہ آنی سر ءَ سرجمی ءَ گپ ءُ تران کنگ بوت۔ دوئیں رہشوناں میڈیا ءِ شوبگ ءَ جاری شریکداری ءَ را یکے دومی ءِ سر ءَ بھروسہ ءُ دیریں دوستی ءِ درشان لیک اِت۔ بنجاھی وزیر اھوالکاری عطا اللہ تارڑ ءَ گوشت کہ میڈیا ءُ کمیونیکیشن ءِ شوبگ ءَ چین ءِ تجروبت آں چہ پاکستان بازیں چیزے دربرگ ءَ انت۔ آئی ءَ گوشت کہ ڈیجیٹل میڈیا، پبلک سروس براڈکاسٹنگ ءُ دود ءُ ربیدگ ءِ مواد ءِ دیمروئی ءِ تہ ءَ چین ءِ مہارت ستا کرز اِیت۔ گند ءُ نند ءَ چین ءُ پاکستان ءِ سرکاری نشریات ءِ نیام ءَ رابطہ ءُ یکجائی نشریات ءِ منصوبگ آناں گیش وسعت دیگ ءِ سر ءَ تپاک کنگ بوت تانکہ جعلی ھال ءُ اھوال ءُ ردیں ھال آنی ھلاپ ءَ جوانیں رنگ ءَ جنگ بہ بیت۔ دوئیں نیمگ ءَ جعلی ھالانی ھلاپ ءَ یکجائی بیانیہ ءُ تکنیکی تربیت ءُ ادارگی کمک ءِ سر ءَ ھم تپاک کنگ بوتگ۔ گند ءُ نند ءِ ساھت ءَ چائنا سینٹرل ٹیلی ویژن ءُ پاکستان ٹیلی ویژن ءِ نیام ءَ ھال ءُ اھوالانی تبادلہ ءُ کمک ءَ را دیم ءَ برگ ءِ واستہ یک معاہدے ءِ سر ءَ ھم گپ ءُ تران کنگ بوت۔ عطا اللہ تارڑ ءَ گوشت کہ اے منوگری ءِ وسیلگ ءَ دوئیں ادارگ آنی نیام ءَ حال، دستاویزی فلم، تربیتی سامان ءُ ٹیکنیکل کمک ءِ تہ ءَ کمک ءِ تہ ءَ گیشی کیت۔ آئی ءَ گوشت کہ گوستگیں وھد ءَ پاکستان ءُ ھندوستان ءِ کش ءُ چیل ءِ وھد ءَ چین ءُ پاکستان ءِ ورنا آں یک ءُ دومی ءِ گوما یکوئی ءِ درشانی کتگ ایش سوشل میڈیا ءَ وائرل بوتگ۔ آئی ءَ چین ءُ پاکستان ءِ اقتصادی راہداری ءَ را دوئیں ملک آنی وشیں باندات ءِ محور گوشت۔ گند ءُ نند ءَ ڈیجیٹل انفلوئنسرز ءِ پاکستان ءُ چین ءِ تر ءُ تاب ءِ بابت ءَ ھم گپ ءُ تران کنگ بوت۔ وزیر ءِ اھوالکاری ءَ گوشت کہ ڈیجیٹل دور ءَ سوشل میڈیا ءِ نمائندگ آنی تبادلہ ءَ چہ سیادی آنی تہ ءَ نوکیں ساھت ءِ ساھگ بوت کنت۔ آئی ءَ اے جزم ءِ درشان کت کہ پاکستان دو نیمگی میڈیا کمک ءَ را عملی گامگیج آنی تہ ءَ بدل کنگ ءِ واستہ تیار اِنت۔ آئی ءَ گوشت کہ پاکستان ٹیلی ویژن، ریڈیو پاکستان ءُ راجی حالجاہ اے پی پی چین ءِ دیمروئی، بیلٹ اینڈ روڈ انیشیٹیو، سی پیک، دود ءُ ربیدگ ءِ سیادی ءُ وت مہ وتی کمک ءِ کسہ آناں پاکستان ءُ چین ءِ الس ءَ را جوانیں رنگ ءَ سر کنگ ءِ واستہ ھاسیں کرد پیلو کنگ ءَ انت۔ آئی ءَ گوشت کہ پی ٹی وی اردو ءَ چینی زبان ءِ پروگرام، دستاویزی فلم ءُ ھال آنی شنگ کنگ ءَ دوئیں راج آنی نیام ءَ یک فکری ءُ دود ءُ ربیدگ ءِ پُل ءِ جوڑ کنگ ءَ اِنت وھدیکہ اے پی پی ءِ چائنا نیوز سروس ءَ پاکستان ءِ بیانیہ ءَ را چینی وانوک آنی تہ ءَ جوانیں رنگ ءَ سر کنگ ءِ تہ ءَ یک ھاسیں سنگ میل ءِ سر ءَ چہ دیم ءَ شتگ۔ عطا اللہ تارڑ ءَ گوشت کہ دوئیں ملک آنی میڈیا ادارگ چین ءُ پاکستان ءِ اُلس ءَ را یک ءِ دومی ءِ گوما نزیک کنگ، چاگردی تپاکی ءِ دیمروئی ءُ وت مہ وتی یکوئی ءَ را گیش کنگ ءِ وسیلگ ءِ رنگ ءَ ثابت بوھگ ءَ انت۔ آئی ءَ گوشت کہ دوئیں ملک آنی نیام ءَ میڈیا ءُ دود ءُ ربیدگ ءِ شوبگ ءَ کمک ءِ گیش امکان است اَنت، ایشی ءَ سرگرم ادارگی میکانزم ءِ وسیلگ ءَ دیم ءَ برگ بوت کنت۔ اے موہ ءِ سر ءَ چین ءِ کارندہ ساؤ شومین ءَ گوشت کہ چین پاکستان ءَ را معتبریں شریک لیک ایت۔ آئی ءَ گوشت کہ پاکستان ءُ چین ءِ میڈیا آرگنائزیشن وت مہ وتی تجربت آنی مٹ ءُ بدلی ءِ وسیلگ ءَ نزیک ءَ اتک کن اَنت۔ آئی ءَ گوشت کہ میڈیا ءُ ٹیکنالوجی ءِ شوبگ ءَ کمک دوئیں ملک آنی واستہ سیت مند بیت۔ گند ءُ نند ءَ دوئیں ملک آنی نیام ءَ دود ءُ ربیدگی تبادلہ ءُ نوآبادیاتی ءِ وڑیں سرھال آنی سر ءَ یکجائی بیانیہ ءِ جوڑ کنگ ءِ سر ءَ ھم ھیال ریچی کنگ بوت۔ دوئیں نیمگاں اے گپ ءِ سر ءَ تپاک کت کہ میڈیا، دود ءُ ربیدگ ءُ راجمان ءِ سیادی ءِ پڑ پاک چین ءِ دوستی ءَ را نوکیں جہت ءَ رژنائی دات کن اَنت ءُ اے کوشست یک مشترکہ رھبند ءِ چیر دستی ءَ گیش مھکم کنگ بنت۔