وفاقی وزیر رانا تنویر حسین ءَ شکر درآمد ءِ ھوالگ ءَ سٹیئرنگ کمیٹی ءِ دیوان ءِ سروکی کت

اسلام آباد۔9جولائی (اے پی پی): وفاقی وزیر راجی خوراک سلامتی ءُ پٹ ءُ پول رانا تنویر حسین ءِ سروکی ءَ شکر ءِ درآمد ءِ ھوالگ ءَ سٹیئرنگ کمیٹی ءِ دیوان برجم دارگ بوت، ایشی ءِ تہ ءَ شکر ءِ کوالٹی ءُ درآمد ءِ کارروائی ءِ سر ءَ گپ ءُ تران کنگ بوت۔ اے موہ ءِ سر ءَ وفاقی وزیر رانا تنویر حسین ءَ گوشت کہ ٹریڈنگ کارپوریشن آف پاکستان ءِ وسیلگ ءَ شکر درآمد کنگ بیت، ایشی ءِ تہ ءَ شکر ءِ درآمد ءِ سر ءَ ھمک رنگ ءِ ٹیکس آناں شھات کنگ بوتگ۔ آئی ءَ گوشت کہ اولی بھر ءَ دو لکھ ٹن شکر ءِ ٹینڈر جاری کنگ بیت۔ آئی ءَ گوشت کہ یک ھپتگے ءَ پد دگہ یک ءُ نیم لکھ ٹن شکر ءِ درآمد ءِ واستہ دومی ٹینڈر بیت۔ درآمد بوتگیں شکر درشتیں دانہ ءُ مزنیں کوالٹی ءِ بیت۔ آئی ءَ گوشت کہ شکر ءِ شپمنٹ ءَ پد انسپکشن المی کنگ بوتگ، ءُ الس ءَ را کوالٹی ءُ ارزانیں شکر ءِ پھجاری حکومت ءِ اولی ترجی اِنت۔ آئی ءَ گوشت کہ شکر درآمد کنگ ءِ عمل شفاف ءُ معیاری بیت۔ آئی ءَ گوشت کہ سٹیئرنگ کمیٹی ءَ شکر ءِ کوالٹی ءُ درآمد ءِ کارروائی آنی سر ءَ سرجمیں رنگ ءَ چار ءُ بچار کتگ۔ اے پیسلہ راج ءِ مفاد ءُ راجی لوٹاں ھیال ءَ دارگ ءَ کنگ بوتگ اَنت۔