وفاقی وزیر جنید انور چوہدری ءَ گشتگ کہ اولی راجی ماہی گیری ءُ آبی زراعت ءِ پالیسی ملک ءِ تہا فوڈ سیکیورٹی، پائیدار دیمروئی ءُ نیلیں معیشت ءِ دیمروئی ءِ ھاتر ءَ یک ھاسیں سنگ میل ءِ انت

اسلام آباد۔9جولائی (اے پی پی): وفاقی وزیر برائے میری ٹائم محمد جنید انور چوہدری ءَ گوشت کہ پاکستان ءِ اولی 10سالی راجی ماہی گیری ءُ آبی زراعت پالیشی ملک ءَ فوڈ سیکیورٹی، پائیدار دیمروئی ءُ نیلیں معیشت ءِ دیمروئی ءِ واستہ یک ھاسیں سنگ میل ءِ انت۔ چار شمبے ءِ روچ ءَ وزارت بحری امور ءِ نیمگ ءَ ماہی گیری پالیشی ءِ مسودہ ءِ مراگش ءَ گوں تران کنان ءَ آئی ءَ گوشت کہ پاکستان ءِ راجدپتر ءَ اولی رند ءَ ماہی گیری ءُ آبی زراعت ءِ شوبگ ءِ واستہ یک منظم، یکجاھیں ءُ دور اندیشیں پالیشی جوڑ کنگ بوتگ، ایشی ءِ تہ ءَ نہ ایوک ءَ مزن وزیر ءِ وژن ءِ درشان کنگ بوتگ بلکیں ایشی ءَ چہ مزن وزیر ءِ دیمروئی ءِ واستہ یک مھکمیں وژن ءِ پھجارینگ بیت۔ ءُ پائیدار دیمروئی ءِ سرا کار کنگ ءَ انت۔ وفاقی وزیر ءَ گوشت کہ ماہی گیری ءُ آبی زراعت ءِ شوبگ ءِ ھاسیں اقتصادی ءُ چاگردی بستار ءِ باوجود یک مزنیں وھد ءَ چہ نزور کنگ بوتگ۔ اے وھد ءَ جی ڈی پی ءِ تہ ءَ اے شوبگ ءِ بھر 0.5 درسد ءَ چہ کم اِنت کہ ایشی ءِ اصل توانائی ءَ چہ باز کم اِنت۔ آئی ءَ گوشت کہ پالیشی ءِ جوڑ کنگ ءِ ساھت ءَ فیڈریشن ءُ صوبگ آنی نیام ءَ ھمگرنچی ءَ را کلیدی ارزشت دیگ بوتگ ءُ توامیں اسٹیک ہولڈر آنی شور ءُ سلاھ ءَ گوں اے پالیشی جوڑ کنگ بوتگ۔ ما پالیسی ءَ را ایوک ءَ یک دستاویزے نہ لیکیں بلکیں یک جامعیں فریم ورکے لیکیں کہ ایشی ءِ سوبمندی ءِ سرا درستیں گلانی عملی بھر زوری ءِ سرا بندوک اِنت۔ جنید انور چوہدری ءَ اے گپ ءِ سر ءَ زور پر دات کہ نوکیں پالیشی ءِ تہ ءَ چاگردی رکھینگ، موسمی بدلی ءِ آسر آنی گوما گر ءُ چیل بوھگ ءُ نوکیں ٹیکنالوجی ءِ کارمرد کنگ ھوار اِنت۔ ھم ھوار کنگ بوتگ۔ آئی ءَ گوشت کہ وزارت ءِ دریائی امور زالبول، زھگ ءُ کارکن آنی ھک آنی رکھینگ ءَ را اے پالیشی ءِ یک جتائیں بھرے لیک ایت۔ آئی ءَ گوشت کہ وزارت سی فوڈ ءِ برآمدات ءَ را جھان ءِ معیار آنی رد ءَ آرگ ءِ واستہ سنجیدگی ءَ گوں کار کنگ ءَ انت تانکہ پاکستان اے شوبگ ءَ چہ گیش درملکی زرّ کمائی بہ کنت۔ وفاقی وزیر ءَ ماھیگ آنی زوال کنگ ءِ سر ءَ دلپروشی ءِ درشانی کت ءُ گوشت کہ گوادر ءَ مزنیں کساس ءَ ماھیگ زوال بوھگ ءَ انت ایشی ءِ کنٹرول ءِ واستہ مارا اجتماعی گامگیج آنی ضلورت انت۔ آئی ءَ گوشت کہ اے بابت ءَ گوستگیں روچ ءَ چینی ڈل ءَ گوں گپ ءُ تران بوتگ۔ آئی ءَ اے گپ من اِت کہ ماہی گیر مئے معیشت ءِ یک ھاسیں بھرے، ما چہ آھاں دربرگ ءَ ایں، آوانی تجربگ ءُ زانت اے پالیشی ءِ سوبمندی ءِ تہ ءَ کلیدی کرد پیلو کنت۔ جنید انور چوہدری ءَ گوشت کہ وزارت ءِ اولی دلگوشی بلوچستان ءِ ماہی گیر آنی سر ءَ انت کہ آ گوادر بندرگاہ ءِ سوبمندیں کارکردگی ءِ تہ ءَ ھاسیں کرد پیلو کنگ ءَ انت۔ آئی ءَ گپ ءِ آسر ءَ گوشت کہ اے پالیشی ءَ چہ پاکستان ءِ نیلیں معیشت ءَ را نوکیں رنگ ءُ دروشم رس ایت ءُ ملک ءَ روزگار، وردن ءُ برجمیں دیمروئی ءِ دروازگ پچ بنت۔