نائب مزن وزیر ءُ دری کارانی وزیر ءَ کابینہ کمیٹی ءِ دیوان ءِ سروکی کت، کپاس ءِ منصوبہ 26-2025 ءِ سر ءَ تفصیل ءَ چار ءُ تپاسی

اسلام آباد۔9جولائی (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ راجی معیشت ءِ تہ ءَ کپاس ءِ مرکزی کرد ءِ بحالی ءُ کشت ءُ کشاری ءِ واستہ فصل ءِ منافع ءَ را گہتر کنگ ءِ واستہ یکوئی ءُ کارروائی ءِ ضلورت ءِ سر ءَ زور پر دات۔ چار شمبے ءِ روچ ءَ دری کارانی کارگس ءِ جارکش ءِ نیمگ ءَ جاڑی بوتگیں پریس ریلیز ءِ رد ءَ آئی ءَ اے ھیالانی درشانی کابینہ ءِ کمیٹی ءِ ھوالگ ءَ المی ءُ نقد فصل آنی سیمی دیوان ءِ سروکی ءَ کنان ءَ کت۔ گند ءُ نند ءِ ساھت ءَ کمیٹی ءَ کاٹن پلان 26-2025 ءِ سر ءَ سرجمی ءَ چار ءُ تپاسی کت ءُ پاکستان ءَ کاٹن ءِ شوبگ ءِ زندگ کنگ ءِ واستہ المی ءُ ترندیں، میان استمانی ءُ دراجیں مدت ءِ پالیسی گامگیج آنی سر ءَ ھاسیں چار ءُ بچار کت۔ وزارت راجی فوڈ سیکیورٹی ءُ پٹ ءُ پول ءَ را ہدایت کنگ بوتگ کہ آؤکیں ہفتگ ءَ پیلو کنگ ءِ دیوان ءِ دعوت دیگ بہ بیت کہ ایشی ءِ تہا کپاس ءِ ویلیو چین ءَ گوں سیادی داروکیں سرکاری ءُ پرائیویٹ شعبہ ءِ درستیں اسٹیک ہولڈر آناں بہر زورگ ءِ دعوت دیگ بہ بیت ءُ سفارشات ءِ موثر عملدرآمد ءَ را دل یکیمی کنگ ءِ ھاتر ءَ کارروائی ءِ لائکیں سوج ھم پیش کنگ بہ بنت۔ کمیٹی ءَ 2025ءِ واستہ گندم ءِ پیداوار ءِ تخمینہ، کیری فارورڈ اسٹاک ءُ سال 2025-26ءِ واستہ گندم ءِ راجی لوٹ آنی سر ءَ ھم چار ءُ تپاسی کتگ ءُ گوشت کہ آیوکیں گندم ءِ کٹائی ءَ تاں راجی لوٹ ءِ پیلو کنگ ءِ واستہ گندم ءِ اسٹاک ءِ کساس است اِنت۔ گند ءُ نند ءَ راجی خوراک ءِ سلامتی ءُ پٹ ءُ پول ، مالیات ءُ منصوبہ بندی ءِ وزیر ، مزن وزیر ءِ ھاسیں کمکار طارق باجوہ ، ءُ راجی خوراک ءِ سلامتی ءُ پٹ ءُ پول ءِ وزارت ، وزارت تجارت ءُ ایف بی آر ءِ مزنیں کارندہ آں ھم بھر زوری کتگ ۔