وفاقی وزیر خزانہ ءَ پاکستان بزنس کونسل ءِ ڈل ءَ گوں گند ءُ نند ءَ پالیسی جوڑ کنگ ءِ تہ ءَ مشاورتی عمل ءِ برجاہ دارگ ءِ دل یکیمی دات

اسلام آباد۔9جولائی (اے پی پی): پاکستان بزنس کونسل ءِ ڈل ءَ ایشی ءِ تہ ءَ سی ای او احسن ملک ءُ سی ای او نامینتگیں جاوید قریشی ءَ ھوار وفاقی وزیر ھزانگ سینیٹر محمد اورنگزیب ءَ گوں گند ءُ نند کت۔ وزارت ءِ ھزانگ ءِ نیمگ ءَ جاڑی بوتگیں بیان ءِ رد ءَ وزیر ھزانگ ءَ کونسل ءِ تہ سروکی ءِ بدلی ءَ را وش اتک کتگ ءُ نوکیں ٹیم ءَ را سرجمیں کمک ءِ دل یکیمی داتگ ءُ گوشت کہ حکومت کاروباری براتی ءِ کلیدی اسٹیک ہولڈر آنی گوما شور ءُ سلاھ ءِ بنیات ءَ پالیسی جوڑ کنگ ءِ عمل ءَ را برجاہ دارگ لوٹ ایت۔ وزیر ءِ ھزانگ ءَ پاکستان بزنس کونسل ءِ جوانیں کرد ھاسیں رنگ ءَ پالیسی ءِ جیڈھ آنی تہ ءَ آئی ءِ پٹ ءُ پولی کار آناں ساڑات ءُ جتا جتائیں شوبگ آنی ھوالگ ءَ آئی ءِ ڈیٹا آناں سک باز کارآمد لیک ات کہ وھد وھد ءِ سر ءَ حکومت ءِ گوما شیئر کنگ بیت۔ سینیٹر محمد اورنگزیب ءَ ڈل ءَ را سرپد کت کہ پالیسی سازی ءَ را گیش موثر ءُ یکجا کنگ ءِ واستہ حکومت ءَ ٹیکس پالیسی کارگس ءَ را ایف بی آر ءَ چہ وزارت خزانہ ءَ را دیم داتگ تانکہ پاکستان بزنس کونسل ءِ وڑیں فورم آنی گوما مشورہ ءِ ادارگی عمل ءَ را دیمروئی دیگ بہ بیت۔ وزیر خزانہ آئی ءَ گوشت کہ حکومت کاروباری ءُ صنعتی کمیونٹی ءِ رائے ءُ سوج آناں سک باز ارزشت دنت ءُ اے وژن ءِ چیر دستی ءَ وفاقی بجٹ 2025-26 ءِ واستہ مشاورت ءِ عمل ءَ را اے سال ءِ بندات ءَ غیر معمولی رنگ ءَ بندات کنگ بوتگ تانکہ جتا جتائیں چیمبر، تجارتی تنظیم ءُ کاروباری برادری ءِ نیمگ ءَ چہ رستگیں سوج آنی سر ءَ ھیال ءُ لیکہ کنگ بہ بیت۔