زرّ ءِ دیم دیگ ءِ تہ ءَ ریکارڈ گیشی درملکی پاکستانی آنی ارزشتی ایں ازمت ءُ پاکستانی معیشت ءِ سر ءَ دل یکیمی ءِ درشان اِنت، مزن وزیر شہباز شریف ءَ گوستگیں مالی سال 2018 ءَ راجدپتر ءِ تہ ءَ کدی گیشیں زرّ دیم دیگ ءِ سر ءَ منت واری درشان

اسلام آباد۔9جولائی (اے پی پی): مزن وزیر محمد شہباز شریف ءَ گوستگیں مالی سال ءِ تہ ءَ راجدپتر ءِ تہ ءَ انگت ءَ گیشیں زرّ ءِ دیم دیگ ءِ سر ءَ منت واری ءِ درشان کنان ءَ گوشت کہ زرّ ءِ دیم دیگ ءِ تہ ءَ ریکارڈ گیشی درملکی پاکستانی آنی ارزشتی ایں ازمت ءُ پاکستانی معیشت ءِ سر ءَ آھانی دل یکیمی ءِ درشان اِنت۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ مالی سال 2024-25 ءَ درملکی پاکستانی آنی نیمگ ءَ چہ 38.3ارب ڈالر زرّ دیم دیگ بوتگ کہ مالی سال 2023-24 ءِ مقابلہ ءَ 8ارب گیش اِنت۔ حوالہ جات ءِ تہ ءَ 26.6درسد گیشی سک باز وش آتکیں گیشی اِنت۔ مزن وزیر ءَ گوشت کہ زرّ دیم دیگ ءِ تہ ءَ ریکارڈ گیشی درملکی پاکستانی آنی ارزشتی ایں ازمت آناں پاکستانی معیشت ءِ سر ءَ دل یکیمی ءِ آدینک انت۔ حالی مثبت اقتصادی شاھد حکومتی پالیشیات ءِ راستیں رھبند ءِ عکس انت۔ مزن وزیر ءَ گوشت کہ ملک ءَ اقتصادی برجائی ءَ پد حکومت اقتصادی دیمروئی ءِ واستہ جزمیگ انت۔