ہارون اختر خان ءَ گوں روسی فیڈریشن ءِ وزیر تجارت ءُ صنعت انتون الیخانوف ءَ دو نیمگی گند ءُ نند کت

یکاترنبرگ۔8جولائی (اے پی پی): صنعت ءُ پیداوار ءِ ھوالگ ءَ مزن وزیر ءِ ھاسیں کمکار ھارون اختر خان ءَ سئے شمبے ءِ روچ ءَ یکاترینبرگ ءَ برجاھیں سالانہ صنعتی فورم ’’انوپروم‘‘ ءِ ساھت ءَ روسی فیڈریشن ءِ وزیر تجارت ءُ صنعت انتون علیخانوف ءِ گوما دو نیمگی گند ءُ نند کت۔ گند ءُ نند ءِ ساھت ءَ دوئیں ملک آں پاکستان اسٹیل ملز ءِ زندگ کنگ ءِ تکنیکی پڑ آنی سر ءَ چار ءُ تپاسی کت تانکہ پاکستان ءَ جدید ءُ جھان ءِ درجگ ءِ دھات سازی ءِ آسراتی جوڑ کنگ بہ بیت۔ اے موہ ءِ سر ءَ صنعتی کمک ءَ را گیش کنگ ءُ دو نیمگی تجارت ءَ را دیمروئی دیگ ءِ جیڈھ آنی سر ءَ ھم ھیال ریچی کنگ بوت۔ پاکستانی ڈل ءَ روسی نیمگ ءَ حکومت ءِ پاکستان ءِ نوکیں صنعتی پالیشی ءَ ھوار جتا جتائیں گامگیج آنی بابت ءَ سرپد کت ایشی ءَ چہ سرمایہ کار دوستیں چاگرد پجارینگ بیت۔ ھاسیں کمکار ہارون اختر خان ءَ روسی کمپنی آناں پاکستان ءَ یکجائی منصوبگ آنی امکانات آناں پٹ ءُ پول کنگ ءِ دعوت دات ھاسیں رنگ ءَ لوکوموٹو، الیکٹرک بس، کھاد، دوائی ءُ کشت ءُ کشاری مشینری ءِ پڑ ءَ۔ اے گند ءُ نند پاکستان ءُ روس ءِ نیام ءَ صنعتی ءُ تجارتی کمک ءَ را دیمروئی دیگ ءِ نیمگ ءَ یک ھاسیں گامگیج ءِ انت۔