نواز شریف فلائی اوور ءُ جی پی او چوک انڈر پاس منصوبگ ءَ چہ دیریں ٹریفک ءِ جیڈھ دائمی رنگ ءَ گیش ءُ گیوار بنت، بیرسٹر دانیال چوہدری

راولپنڈی۔8جولائی (اے پی پی):وفاقی پارلیمانی سیکرٹری برائے اطلاعات ءُ نشریات ءُ پاکستان مسلم لیگ (ن) ءِ مرکزی رہشون بیرسٹر دانیال چوہدری ءَ گشتگ کہ پنجاب ءِ سر وزیر مریم نواز شریف ءَ راولپنڈی ءِ شہری آناں دو مزنیں دیمروئی منصوبگ داتگ انت کہ ایشی ءِ تہا نواز چوگپاس ءِ ٹرانسپورٹ ءِ شکل ءَ ایوک ءَ یو پی او گڑپاس ءِ آسراتی دیگ بیت ءُ نہ شہر ءِ تہا بلے دگہ شہراں چہ راولپنڈی ءَ آیوکیں مردمانی سفر ءَ ہم آسراتی دنت۔ اے پی پی ءَ گوں ھاسیں تران کنان ءَ بیرسٹر دانیال چوہدری ءَ گوشت کہ سر وزیر مریم نواز شریف ءِ سروکی ءَ پنجاب حکومت سرجمیں صوبگ ءَ فلاحی منصوبگ ءُ بنیاتی ڈھانچگ ءِ گہتری ءِ سر ءَ دلگوشی ءَ گوں کار کنگ ءَ اِنت۔ اے دیمروئی منصوبگ نہ ایوک ءَ سفری جیڈھ آنی دائمی گیواری ءِ وسیلگ ءَ جوڑ بنت بلکیں بنیاتی ڈھانچہ ءِ گہتری ءُ سڑک آنی جوڑیشت ءِ وسیلگ ءَ نوکیں روزگار ءِ موہ ھم پیداک کن اَنت کہ ایشی ءَ چہ راجی وشھالی ءِ راہ پچ بیت۔ آئی ءَ گوشت کہ پاکستان مسلم لیگ ءَ مُدام سرکاری ھزمت، دیمروئی ءُ نوکیں شہری آسراتی آنی پجاری ءَ را اولی ترجی داتگ۔ راولپنڈی ءِ وڑیں مزنیں ءُ ھاسیں شہر ءِ واستہ نواز شریف فلائی اوور ءُ جی پی او چوک انڈر پاس ءِ وڑیں منصوبگ یک راجدپتری گامگیج انت کہ ایشی ءَ چہ شہری ٹریفک ءِ دیریں جیڈھ آناں دائمی رنگ ءَ گیش ءُ گیوار کنگ بیت۔ بیرسٹر دانیال چوہدری ءَ گوشت کہ اے منصوبگ آنی تہ ءَ چہ نا ایوک ءَ شہری آنی گرانبھائیں وھد بچت بیت بلکینگ ءَ ھوا ءِ آلودگی ءَ را ھم کم کنگ بیت۔ آئی ءَ وتی جزم ءِ پدا زور دات کہ مسلم لیگ (ن) ءِ سرکار ھمے جذبہ ءَ گوں دیمروئی، وشھالی ءُ سرکاری ھزمت ءِ سفر ءَ برجاہ دار ایت ءُ آیوکیں روچاں گیش میگا پروجیکٹ بندات کنگ بنت تانکہ راستی ءَ پنجاب ءَ را ماڈل صوبہ جوڑ کنگ بہ بیت۔