اسلام آباد۔ 8جولائی (اے پی پی): غیر سرکاری گل ”پیاس انٹرنیشنل“ ءِ نیمگ ءَ چہ کتگیں نوکیں سروے ءِ تہ ءَ السی، سیاسی ءُ کاروباری تک ءَ وفاقی دارالحکومت اسلام آباد ءِ دیمروئی منصوبگ آنی سر ءَ سرجمیں دلجمی ءِ درشانی کتگ ءُ چیئرمین سی ڈی اے، چیف کمشنر اسلام آباد ءُ ڈی جی سول ڈیفنس محمد علی رندھاوا ءِ سروکی ءَ را لیک اِتگ۔ سئے شمبے ءِ روچ ءَ پیاس انٹرنیشنل ءِ نیمگ ءَ چہ شنگ بوتگیں پریس ریلیز ءِ رد ءَ سروے ءِ تہ ءَ کاروباری مردم، معاشیات زانت، اکیڈمک زانت، رئیل اسٹیٹ مارکیٹنگ کمپنی ءُُ تعمیراتی کمپنی آنی نمائندگ ءُُ لس مھلوک ءَ ھوار 10 ھزار مردماں وتی ھیال ءُُ لیکہ درشان کتگ اَنت۔ ماہرین ءَ گوشت کہ اسلام آباد ءِ راجدپتر ءَ اولی رند ءَ سی ڈی اے ءَ وفاقی حکومت ءَ چہ گیشیں زرّ ءِ لوٹ کنگ ءَ ابید وتی کمیں وسیلگ آناں کارمرد کنان ءَ شہر ءُُ ایشی ءِ دمگ آنی تہ ءَ بازیں دیمروئی منصوبگ سوبمندیں رنگ ءَ سرجم کتگ۔ اے منصوبگ آنی تہ ءَ سڑک آنی جوڑیشت ءُُ مرمت، انڈر پاس آنی جوڑیشت، سگنل فری راہداری، سیکٹر ءِ دیمروئی، سٹریٹ لائٹ آنی ایر کنگ، انڈر چینجنگ توانائی ءِ کارمرد کنوکیں لائٹ آنی ایر کنگ، لنک روڈ آنی بحالی ءُُ ایندگر زیبائی ءِ منصوبگ ھوار اَنت. سی ڈی اے ءِ اے پیشرفت ءِ مول ءُ مراد ایوک ءَ شہری دیمروئی نہ اِنت بلکیں شفافیں حکومت داری ءُ وت واجہی ءِ عملی مظاہرہ اِنت۔ دیمروئی ءِ عمل ءِ بار ءَ چہ وتی وسیلگاں چہ ھچ وڑیں گیشیں ھرچ ءُ درچ ءَ ابید برگ یک جرات مندیں ءُ راج دوستیں گامگیج اِنت کہ ٹیکس دہندگانی زرّ ءِ ارزشت ءُ ذمہ واری ءِ درشان اِنت۔ نامداریں انجینئر، تعمیراتی ماہرین ءُ ٹرانسپورٹ ءُ بلڈنگ انڈسٹری ءِ نمائندگاں ہم اے عمل ءِ ستا کرتگ۔ ایشانی رد ءَ سی ڈی اے ءِ نیمگ ءَ چہ زورگ بوتگیں دیمروئی ماڈل نہ ایوک ءَ مھکم اِنت بلکیں آیوکیں شہری منصوبگ بندی ءِ واستہ مثالی ماڈل جوڑ بوتگ. اے موہ ءِ سر ءَ پی آئی اے ایس انٹرنیشنل ہیومن رائٹس ءِ چیئرمین رانا عمران لطیف ءَ گوشت کہ سی ڈی اے ءَ کمیں بجٹ ءِ تہ ءَ مثالی کارکردگی ءِ درشان کتگ۔ شفافیت، وت واجہی ءُ منصوبہ بندی ءِ ہما معیار کہ دیمروئی کارانی تہا جوڑ کنگ بوتگ انت آ ستا کرز انت۔ سی ڈی اے ماڈل ءَ را راجی پڑ ءَ وتی کنگ بہ بیت ءُُ اے ادارگ ءِ کارکردگی ساڑاھگ بہ بیت۔ آئی ءَ گوشت کہ اسلام آباد ءَ انوگیں دیمروئی ءِ بدلی ءَ چہ نہ ایوک ءَ دمگی شہری آنی زندمان ءِ کوالٹی گہتر بیت بلکینگ ءَ سرجمیں ملک ءَ ادارگ آناں وت واجہ، ایمانداری ءُُ منصوبگ بندی ءِ واستہ دلبڈی ھم رس ایت
