پاکستان ءَ کلائو لاک آپریشن زون ءَ 12 ترک فوجی شھید بیگ ءِ سر ءَ غم درشان کتگ

اسلام آباد۔8جولائی (اے پی پی):پاکستانءَ کلاوک آپریشن زون ءَ سرچ مشن ءِ وھد ءَ میتھین گیس ءِ سبب ءَ 12 ترک سپاھیگ آنی شھید بوھگ ءِ سر ءَ سک باز دلپدرد ءُ رنج ءِ درشان کتگ ۔ سئے شمبے ءِ روچ ءَ دری کارانی کارگس ءِ جارکش ءِ نیمگ ءَ جاڑی بوتگیں بیان ءِ تہ ءَ گوشگ بوت کہ ما اے گپ ءِ سرپد بوھگ ءَ سک باز دلپدرد ایں کہ کلاوک آپریشن زون ءَ سرچ مشن ءِ وھد ءَ میتھین گیس ءِ سبب ءَ 12ترکی سپاھیگ شھید بوتگ اَنت۔ بیان ءِ تہ ءَ شھید آنی مزنیں بستار ءِ درشان کنگ ءُ غم ءِ آماچیں کھول آنی گوما دلپدردی ءِ درشانی کنگ بوتگ ءُ گوشتگ کہ پاکستان اے غم ءِ ساھت ءَ ترک برات آنی گوما سرجمیں یکوئی ءِ تہ ءَ اوشتاتگ۔