اسلام آباد۔7جولائی (اے پی پی): اتصالات گروپ امارات ءِ ڈل ءَ نائب مزن وزیر ءُ دری کارانی وزیر ایس محمد اسحاق ڈار ءَ گوں گند ءُ نند کت۔ درئی کارانی کارگس ءِ نیمگ ءَ چہ جاڑی بوتگیں بیان ءِ رد ءَ اے ڈل ءِ سروک گروپ ءِ سی ای او حاتم دویدار بوتگ۔ گند ءُ نند ءَ آئی ٹی ءِ وزیر، مزن وزیر ءِ ھاسیں کمکار طارق باجوہ، راجی کوآرڈینیٹر ایس آئی ایف سی، سیکرٹری آئی ٹی ءُ کامرس ءُ نجکاری ءُ وزارت ءِ درئی کار ءِ مزن مزنیں کارندہ آں شریک کت۔ نائب مزن وزیر ءَ پاکستان ءِ دیمروئی کنوکیں ڈیٹا اکانومی ءُ کاروبار دوستیں چاگرد ءَ را دیمروئی دیگ ءِ حکومت ءِ جزم ءِ سر ءَ زور پر دات۔ آئی ءَ اتصالات گروپ ءَ را ملکی آئی سی ٹی ءُ ٹیلی کام ءِ شوبگ ءَ سرمایہ کاری ءَ را گیش کنگ ءِ دعوت دات۔ گروپ ءِ سی ای او حاتم دویدر ءَ پاکستان ءِ حکومت ءِ برجاھیں کمک ءِ توسیپ کت ءُ اتصالات گروپ ءِ دیمروئی ءُ رابطہ کاری ءِ مول ءُ مراد آنی تہ ءَ بھر زوری ءِ تہ ءَ وتی مزنیں واھشت ءِ درشان کت ءُ پاکستانی مارکیٹ ءِ واستہ اتصالات گروپ ءِ دراجیں مدتی جزم ءِ پدا پدر کت۔
