اسلام آباد۔7جولائی (اے پی پی): ایس ایس پی ءِ قومی اسمبلی ءِ سردار ایاز صادق ءَ پیسریگیں باسک قومی اسمبلی عبدالستار بچانی ءِ بیرانی ءِ سرا سک باز دلپدردی ءُ غم ءِ درشانی کتگ۔ راجی اسمبلی ءِ سیکرٹریٹ ءِ نیمگ ءَ جاڑی بوتگیں بیان ءِ رد ءَ ایس ایس پی ءَ بیران بوتگیں مردم ءِ کھول ءَ را وتی دلپدردی کلوہ ءِ تہ ءَ دلپدردی ءِ درشانی کتگ ءُ عبدالستار بچانی ءِ سیاسی ءُ چاگردی ازمت آناں شگر ءُ منت گپتگ۔ آئی ءَ گوشت کہ عبدالستار بچانی یک زانتکاریں راہشونے بوتگ آئی ءِ ھزمت داں دیراں یات ءَ مان بنت، آئی ءِ بیرانی پہ پشکیں کھول ءُ حلقہ ءِ الس ءَ ناقابل برداشتیں تاوان انت۔ ایس ایس پی ءَ عبدالستار بچانی ءِ بیرانی ءِ سر ءَ آئی ءِ زھگ ، باسک راجی اسمبلی ذوالفقار علی بچانی ءُ آئی ءِ ھاندان ءَ گوں دل ءِ تہ ءَ دلپدردی ءُ ھمدردی ءِ درشانی کت۔ آئی ءَ گوشت کہ غم ءُ اندوہ ءِ آماچیں ھاندان ءِ غم ءُ اندوہ ءَ یک پیم ءَ بھر ءُ بانگ کناں۔ آئی ءَ دعا کت کہ بیران بوتگیں مردم ءِ رُتبہ ءِ بُرز بہ بیت ءُ آئی ءِ ھاندان ءِ ھاترا سگ ءُ اوپار بہ بیت۔
