اسلام آباد۔7جولائی (اے پی پی): سینیٹ ءِ چیئرمین سید یوسف رضا گیلانی ءَ کارگل جنگ ءِ مزنیں بامرد حوالدار لالک جان شوھادہ (نشان حیدر) ءِ 26می شہادت سالروچ ءِ درگت ءَ شگر ءُ منت گپت۔ ریاست ءِ اسٹیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ چیئرمین سینٹ ءَ گوشت کہ دژمن ءِ بدیں منصوبگ آناں بے سوب کنگ ءِ واستہ ھوالدار لالک جان شھادہ ءِ نیمگ ءَ پیش داشتگیں ھمت، محکمی ءُ بہادری مئے راجی راجدپتر ءِ یک رژنائیں بابے ۔ ھوالدار لالک جان شھاد ءَ وتی جان ءِ ندر کنگ ءَ ماتیں گلزمین ءِ دیمپانی ءَ یکجاہ کت ءُ آیوکیں پدریچانی واستہ بہادری ءِ برزیں کچ ایر کت۔ سید یوسف رضا گیلانی ءَ گوشت کہ راج ءَ را وتی ھما بھادریں زھگ آنی سر ءَ پھر انت کہ آ ماتیں گلزمین ءِ پاکی ءِ واستہ وتی سرانی ندر کنگ ءَ چک ءُ پد نہ بوتگ انت۔ پاکستان ءِ راجدپتر ءَ لالک جان شھادہ ءِ نام مدام زرین آباں گوں نبشتہ کنگ بیت۔ چیئرمین سینیٹ ءَ ہوالدار لالک جان شہید ءِ آکبت ءِ ھیری ءِ واستہ دعا ءِ نیک کت۔
