اسلام آباد۔7جولائی (اے پی پی): بورڈ آف ٹریڈ ڈویلپمنٹ اتھارٹی آف پاکستان ءِ 12می دیوان ءِ سروکی ءَ وفاقی وزیر برائے تجارت جام کمال خان ءِ سروکی ءَ برجم دارگ بوت۔ گند ءُ نند ءَ سرکاری مزن مزنیں کارندہ ءُ ٹی ڈی اے پی ءِ بورڈ ءِ باسکاں بہر زرتگ۔ گند ءُ نند ءَ پاکستان ءِ برآمداتی مقابلہ ءِ تہ ءَ گیشی ءُ تجارتی آسراتی ءَ را گہتر کنگ ءِ واستہ بازیں کلیدی اسٹریٹجک گامگیج آنی سر ءَ چار ءُ تپاسی کنگ بوت۔ بورڈ ءَ مالی سال 2025-26 ءِ سالانہ کاروباری منصوبگ ءِ منظوری داتگ، 120 ءَ چہ گیش میاں اوستمانی نمائش آنی تہ ءَ بھر زوری، ایتھوپیا ءُ بنگلہ دیش ءَ ”میڈ ان پاکستان“ ءِ نمائش، راجی تک ءِ نمائش، برآمدات ءِ دیمروئی ءِ ھوالگ ءَ سیمینار ءُ سرجمیں ملک ءَ راجی برآمداتی تربیت ءِ پروگرام آنی منظوری داتگ۔ دمگی تجارتی بنیاتی ڈھانچہ ءَ را مھکم کنگ ءِ واستہ کوئٹہ ءُ سرلاکوٹ ءَ ٹی ڈی اے پی ءِ دمگی کارگس آنی تہ ءَ ڈسپلے سینٹر، کانفرنس روم ءُ آئی ٹی ایکسلریٹر جوڑ کنگ ءِ منظوری دیگ بوتگ وھدیکہ سرلاکوٹ ءَ ٹولز ءُ سرجیکل سامان آنی واستہ ھاسیں آسراتی پجارینگ بیت۔ بورڈ ءَ بنگلہ دیش ءَ میاں اوستمانی تجارتی نمائش آنی تہ ءَ زالبولیں کاروباری مردم آنی بھر زوری ءِ ھم منظوری داتگ۔ آئی ءَ پاکستان ءِ شمولیت ءَ را گیش کنگ ءِ واستہ گامگیج آنی ھم توثیق کت۔ وفاقی وزیر تجارت جام کمال خان ءَ اے گپ ءِ سر ءَ زور پر دات کہ پاکستان ءَ برآمدات ءِ واستہ ایوک ءَ روایتی مارکیٹ آنی سر ءَ انحصار کنگ ءِ بدل ءَ نوکیں میاں اوستمانی مارکیٹ آنی سر ءَ دلگوشی دیگی اِنت تانکہ برآمدات ءِ تہ ءَ جتائیں رنگ ءُ دروشم ءِ دیم ءَ آرگ بہ بیت ءُ ھاسیں دمگ آنی سر ءَ انحصار کم کنگ بہ بیت۔ آئی ءَ ٹی ڈی اے پی ءِ تہ ءَ شعبہ جاتی تجزیہ ءِ واستہ ھاسیں پٹ ءُ پولکار آناں گچین کنگ ءِ ھم سوج دات کہ آ ڈیٹا ءِ سر ءَ بنیات ءِ سر ءَ پٹ ءُ پول، تجزیہ ءُ شور ءُ سلاھ بہ کن اَنت، ایشی ءَ چہ پالیسی جوڑ کنگ ءُ منصوبگ بندی گیش موثر جوڑ بیت۔ ٹی ڈی اے پی ءِ نوکیں رنگ ءَ جوڑ کنگ ءِ کوشست آناں ساڑات کنان ءَ وزیر تجارت ءَ گوشت کہ اے گامگیج ادارگ ءَ را یک موثر ءُ برآمدات ءِ سر ءَ مرکوزیں ادارگ جوڑ کنگ ءِ واستہ المی اَنت، ایشی ءَ چہ جھان ءِ تجارت ءِ نوکیں لوٹ آنی رد ءَ اِنت۔ دیوان ءَ درملک ءَ پاکستان ءِ تجارتی مشن آنی واستہ پروموشنل کمک ءِ تہ ءَ گیشی ءِ منظوری دیگ بوت، وھدیکہ ٹی ڈی اے پی ءِ بورڈ آف سب کمیٹیز آنی سفارش آنی ھم منظوری دیگ بوت۔
