اسلام آباد۔6جولائی (اے پی پی): بنجاھی وزیر مواصلات ءُ استحکام پاکستان پارٹی ءِ صدر عبدالعلیم خان ءَ یوم عاشورہ ءِ سر ءَ وتی کلوہ ءِ تہ ءَ گوشت کہ حضرت امام حسین ءَ 10 محرم ءِ روچ ءَ وتی جان ءِ قربان کنگ ءَ کربلا ءِ جنگ ءِ میدان ءَ راست ءُ نادرست ءِ نیام ءَ فرق پدر کتگ۔ آئی ءَ گوشت کہ ایوک ءَ حسین ءِ رندگیری ءَ چہ ما اے دگنیا ءُ آخرت ءَ راھشون جوڑ بوت کن ایں ۔ بنجاھی وزیر عبدالعلیم خان ءَ گوشت کہ پیغمبر صلى الله عليه وسلم ءِ نواسگ ءَ مذہب ءِ رکھینگ ءِ فرض پیلو کتگ، مرچی حضرت امام حسین صلى الله عليه وسلم ءِ شہادت ءِ فلسفہ ءَ را آئی ءِ روح ءِ رد ءَ سرپد بوھگ ءِ ضلورت اِنت۔ آئی ءَ گوشت کہ محرم مارا صبر ءُ قناعت ءِ سبق ءَ دنت ءُ حضرت امام حسین ءِ تعلیمات آنی سر ءَ عمل کنگ ءِ واستہ المی اِنت کہ ما عملی رنگ ءَ تپاکی، رواداری ءُ برداشت ءِ سرا عمل بہ کن ایں پرچا کہ اے زرین اصول آنی سر ءَ عمل کنگ ءَ چہ چاگرد ءَ را امن ءِ جھولا جوڑ کنگ بوت کنت۔ دومی نیمگ ءَ استحکام پاکستان پارٹی پنجاب ءِ صدر رانا نزیر احمد خان، مرکزی جنرل سیکرٹری میان خالد محمود، مرکزی سیکرٹری انفارمیشن سید سمام علی بخاری، جنرل سیکرٹری پنجاب ءُ ایم پی اے الحاج محمد شعیب صدیقی ءَ ھم 2020 ءِ روچ ءَ امن ءُ ایمنی ءِ اپیل کتگ۔ محرم پہ سرجمیں اسلامی دنیا ءَ یک وڑیں احترام ءُ اهمیت ءِ واھند اِنت۔ اے روچ ءَ مارا حسینی ءِ مثال ءِ زورگ ءِ وعدہ کنگی اِنت، یکے دومی ءِ یکوئی ءُ برات ءِ دیمروئی کنگ ءُ ملک ءِ یکوئی ءِ رکھینگ ءِ ھاترا وتی کرد ءَ پیلو کنگی اِنت۔
