سیالکوٹ۔6جولائی (اے پی پی): بنجاھی وزیر دیمپانی خواجہ محمد آصف ءَ گوشت کہ کربلا یک مزنیں سبق انت کہ مذہب ءِ عزت ءُ شان ءِ واستہ پیغمبر ءِ ھاندان ءِ قربانی بوتگ۔ سیالکوٹ ءَ رسانکدر ءَ گوں تران کنان ءَ آئی ءَ گوشت کہ غزہ ءَ 70 ھزار مسلمانیں مردین ءُ زھگ شھید کنگ بوتگ اَنت، ھما کربلا کہ غزہ ءِ مسلمان آنی سر ءَ جتگ ات آ ھلاس کنگ بہ بیت، مسلمان ھاسیں رنگ ءَ حاکمیں تبک وتی ذمہ واری ءَ بہ مار اَنت۔ آئی ءَ گوشت کہ مرچی عاشورہ ءِ روچ ءَ مارا یات کنگی انت کہ آ وھد ءَ چے بوتگ ءُ مرچی چے بوھگ ءَ انت۔ فلسطینی زھگ ءُ پیریں مردم پہ گریبی ءَ صف بندی ءَ اوشت اَنت ءُ آھانی سر ءَ تیرگواری کنگ بیت، اے جاور ھال ءَ زوتیں دلگوش دیگ لوٹ اِیت۔
