اسلام آباد۔6جولائی (اے پی پی):ملک ءَ سیاسی ءُ گچینکاری جیڈھ آنی گیواری ءِ واستہ مزن وزیر ءِ سیاسی کار آنی بابت ءَ مشیر رانا ثناء اللہ ءَ گپ ءُ تران ءُ جمہوری کمک ءِ سر ءَ زور پر داتگ۔ یک شمبے ءِ روچ ءَ یک انٹرویو ءِ ساھت ءَ آئی ءَ گوشت کہ حکومت دیم پہ دیمی ءِ بدل ءَ تپاکی ءِ وسیلگ ءَ دیم ءَ روگ ءِ سر ءَ ایمان داریت۔ آئی ءَ اے گپ ءِ پدرائی کت کہ پاکستان تحریک انصاف ءِ پیسریگیں چیئرمین عدالتی قبضہ ءَ اِنت ءُ ھرچ دیوان ءِ اجازت ءِ پیسلہ آمید گس اِنت نہ کہ بنجاھی حکومت۔ خاصیں سیٹانی ھوالگ ءَ جیڈھ آنی پسو ءَ آئی ءَ گوشت کہ اے ھوالگ ءَ آئینی ءُ کانودی کارروائی آنی پد ءُ رند کنگ بوتگ۔ آئی ءَ گوشت کہ لھتیں گل آنی نیمگ ءَ بار باریں بھتام ءُ متضاد بیان آنی سبب ءَ بھروسہ ھم ھراب بوتگ ءُ جمہوری عمل ءَ را تاوان داتگ۔ آئی ءَ توامیں سیاسی گل آناں زور پر دات کہ آ پارلیمنٹ ءَ واتر بہ بنت ءُ راجی جیڈھ آنی گیواری ءِ واستہ جوڑیشت ءِ رنگ ءَ وتی کرد ءَ پیلو بہ کن اَنت۔
