اسلام آباد۔6جولائی (اے پی پی):چیئرمین مزن وزیر ءِ ورنا پروگرام رانا مشہود احمد خان ءَ عاشورہ ءِ روچ 1447ہجری ءِ موہ ءَ وتی ھاسیں کلوہ ءِ تہ ءَ گوشت کہ عاشورہ ءِ روچ صبر، قربانی ءُ کردار ءِ مزنی ءِ روچ اِنت۔ امام حسین (ع) ءِ قربانی پہ انسانیت ءَ پہ دگنیا ءِ دگہ دمگاں رُژن ءِ چراگ اِنت۔ حسینیت ءِ کلوہ ہمیش انت کہ دروگ ءِ دیم ءَ بے تواری نہ بیت بلکیں ہمت ءِ گوما مھکم اوشتات کن انت۔ رانا مشہود احمد خان ءَ گوشت کہ ورنا راج ءِ دارالحکومت انت، کربلا ءِ کلوہ مئے کردار ءِ جوڑیشت ءَ رہشون انت۔ آئی ءَ گوشت کہ مرچیگیں ورنا ایمانداری، قربانی، برداشت ءُ راستی ءِ باروک بہ بنت۔ رانا مشہود احمد خان ءَ گیش گوشت کہ مزن وزیر ءِ ورنا پروگرام ورنا آناں باوقار ءُ باصلاحیتیں نسل جوڑ کنگ ءِ واستہ کوشست کنگ ءَ انت۔ آئی ءَ گوشت کہ امام حسین ءِ کلوہ انصاف، راستی ءُ آجوئی ءِ توار ءِ رنگ ءَ مرچی ھم گونجگ ءَ اِنت ءُ ورنا وتی کرد ءِ وسیلگ ءَ دگنیا ءَ جوانیں بدلی ءِ بندات ءَ بہ کن اَنت۔ رانا مشہود احمد خان ءَ دعا کت کہ پاکستان یکجائی، دیمروئی ءُ امن ءِ جھولا جوڑ بہ بیت۔
