اسلام آباد۔5جولائی (اے پی پی):وفاقی تہی کارانی وزیر محسن نقوی ءَ تونسہ ءِ نزیک ءَ فتنہ الهندستان ءِ ناشرکار آنی ھلاپ ءَ سوبمندیں آپریشن ءِ پد ءَ پنجاب پولیس ءُ سی ٹی ڈی ءَ را شگر ءُ منت گپت۔ شمبے ءِ روچ ءَ وزارت ءِ تہی کارانی نیمگ ءَ جاڑی بوتگیں بیان ءِ تہ ءَ وزیر ءِ تہی کار ءَ گوشت کہ پنجاب پولیس ءُ سی ٹی ڈی ءَ یک رندے پد ءَ فتنہ الهندستان ءِ 5 ناشرکار کشتگ اَنت۔ وفاقی وزیر داخلہ محسن نقوی ءَ پولیس ءُ سی ٹی ڈی ٹیم ءِ پیشہ وارانہ صلاحیت آناں ساڑاتگ ءُ گشتگ کہ آ ہر جاہ ءَ فتنہ ہندوستان ءِ ناشرکارانی پد ءُ رند ءَ برجاہ دار انت۔ آئی ءَ گوشت کہ پنجاب پولیس ءُ سی ٹی ڈی ءِ بہادریں زھگاں گوستگیں وھد ءَ ھم دلیری ءِ گوما خوارج ناشرکار آنی ھلاپ ءَ مزنیں سوبمندی رستگ۔ محسن نقوی ءَ گوشت کہ پنجاب پولیس ءُ سی ٹی ڈی ءَ خوارج ناشرکار آنی نا شریں ارادہ ناکام کتگ انت۔ وزیر داخلہ ءَ گوشت کہ پنجاب پولیس ءُ سی ٹی ڈی ءِ بہادر ءُ پیشہ واریں زھگ آنی سر ءَ پھر انت۔
