وینس، اٹلی۔5جولائی (اے پی پی):سینیٹ ءِ چیئرمین سید یوسف رضا گیلانی ءَ چہ میاں اوستمانی براتی ءَ را زور پر دات کہ آ امن ءِ واستہ انصاف، گپ ءُ تران ءُ انسانی شرپ ءَ را اولیت بہ دنت، جھان ءِ امن کانفرنس ءِ برجم دارگ پاکستان ءِ بین المذاہب یکوئی ءُ امن ءِ واستہ عزم ءِ درشان اِنت۔ سینیٹ سیکرٹریٹ ءِ میڈیا ڈائریکٹوریٹ ءِ رد ءَ آئی ءَ اے ھیالانی درشانی ورلڈ پیس کانفرنس ءَ وینس ءَ گوں تران کنان ءَ کت۔ ’’مرچی جھان ءِ امن ءِ دیم ءَ چیلنج‘‘ ءِ سرھال ءَ میاں اوستمانی کانفرنس ءَ پاکستانی ءُ یورپی شخصیت آں بھر زرتگ۔ یوسف رضا گیلانی ءَ گوشت کہ شہباز بھٹی شھید ءَ را سلام پیش کنگ جہانی ضمیر ءِ واستہ قربانی ءِ علامت انت۔ چیئرمین سینیٹ ءَ گوشت کہ پاکستان پیپلز پارٹی ءَ مدام انصاف ءُ بین المذاہب یکوئی ءِ چیمپئن کتگ۔ چیئرمین سینیٹ ءَ چہ میاں اوستمانی براتی ءَ اپیل کتگ کہ آ امن ءِ واستہ انصاف، گپ ءُ تران ءُ انسانی شرپ ءَ را اولیت بہ دنت۔ امن ایوک ءَ جنگ ءِ نہ بوھگ نہ انت بلکینگ ءَ انصاف ءِ است انت۔ چیئرمین سینیٹ ءَ وتی چُک ءِ آوار جنگ ءِ یک زاتی واقعہ ءِ بیان کنگ ءَ شریکیں مردماں جذباتی کتگ۔ سید یوسف رضا گیلانی ءَ گوشت کہ جھان ءِ طاقت وتی کرد ءَ مفاد آنی واستہ ناں بلکیں اخلاقی ذمہ واری ءِ واستہ پیلو بہ کن اَنت۔ سید یوسف رضا گیلانی ءَ کشمیر ءِ جیڈھ ءِ گیواری ءِ واستہ جھان ءِ ضمیر ءَ را متحرک کنگ ءِ ضلورت ءِ سر ءَ ھم زور پر دات۔ آئی ءَ گوشت کہ وینس کانفرنس بین المذاہب یکوئی ءُ امن ءِ واستہ پاکستان ءِ جزم ءِ درشان اِنت۔ سید یوسف رضا گیلانی ءَ گوشت کہ اے کانفرنس ءِ نہ انت، اے گلوبل کمیٹمنٹ انت۔
