اسلام آباد۔4جولائی (اے پی پی): مزن وزیر محمد شہباز شریف ءَ پاکستان ءِ الس ءُ حکومت ءِ نیمگ ءَ صدر ڈونلڈ ٹرمپ، امریکی انتظامیہ ءُ الس ءَ را آجوئی ءِ روچ ءِ مبارک بات داتگ۔ جمعہ ءِ روچ ءَ سوشل میڈیا ایکس ءِ سر ءَ وتی پوسٹ ءِ تہ ءَ آئی ءَ گوشت کہ من پاکستان ءِ الس ءُ حکومت ءِ نیمگ ءَ چہ صدر ڈونلڈ ٹرمپ، امریکی انتظامیہ ءُ امریکہ ءِ اُلس ءَ را آجوئی ءِ روچ ءِ درگت ءَ دل ءِ جہلانکی ءَ مبارک بات دیگ ءَ آں ۔ آئی ءَ گوشت کہ پاکستان امریکا ءِ گوما وتی مزنیں وھد ءِ شریکداری ءَ را سک باز ارزشت دنت ءُ آیوکیں سال آنی تہ ءَ مئے دو نیمگی سیادی ءَ را گیش مھکم کنگ ءِ واستہ جزمیگ اِنت۔ مارا امریکہ ءَ نندوکیں پاکستانی شہری آنی سر ءَ ھم پخر اِنت کہ آ دوئیں ملک آنی نیام ءَ یک ھاسیں پُل ءِ رنگ ءَ کار کنگ ءَ اَنت۔
