اسلام آباد۔4جولائی (اے پی پی): وفاقی تہی کارانی وزیر محسن نقوی ءَ کراچی ءَ ماڑی ءِ کپگ ءَ گران بھائیں انسانی جانانی بیرانی ءِ سر ءَ دلپدرد ءُ رنج ءِ درشانی کتگ۔ وزارت داخلہ ءِ نیمگ ءَ جمعہ ءِ روچ ءَ جاڑی بوتگیں بیان ءِ تہ ءَ وزیر داخلہ محسن نقوی ءَ بیران بوتگیں مردمانی کھول ءِ گوما ھمدردی ءُ دلپدردی درشان کتگ ءُ ٹپیگ آنی زوت جان سلامتی ءِ دعا کتگ۔ وزیر داخلہ ءَ گوشت کہ ملبہ ءِ چیر ءَ دپ کپتگیں مردم آنی جان گران اِنت ایشانی جان سلامتی ءُ جان ءِ واستہ دعا لوٹ ایت۔ محسن نقوی ءَ گشتگ کہ من ءَ امیت انت کہ ملبہ ءِ چیر ءَ دفن بوتگیں مردم آناں ایمنی ءَ چہ رکّینگ ءِ کوشست سوبمند بنت۔ وزیر داخلہ ءَ گوشت کہ کراچی ءَ ماڑی ءِ کپگ ءِ وئیل ءِ سر ءَ سک دلپدرد ءُ اپسوز اِنت، درستیں ھمدردی بیران ءُ ٹپیگ آنی کھول ءِ گوما اِنت۔ محسن نقوی ءَ گوشت کہ اے غم ءِ ساھت ءَ غم ءِ آماچیں ھاندان آنی ھمراھی ءَ اوشتاتگ آں ۔
