راولپنڈی۔4جولائی (اے پی پی): پاک اوگانستان ءِ سیمسر ءَ شمالی وزیرستان ءِ حسن خیل ءِ دمگ ءَ سیکورٹی فورسز ءَ دراندازی ءِ کوشست ناکام کتگ ءُ ھندی پراکسی درئی ناشرکاری ءِ 30 ناشرکار بیران بوتگ اَنت۔ جمعہ ءِ روچ ءَ آئی ایس پی آر ءِ نیمگ ءَ چہ شنگ بوتگیں بیان ءِ رد ءَ یک ءُ دو ءُ دو ءُ سئے جولائی ءِ نیام ءَ شپ ءَ سیکورٹی فورسز ءَ شمالی وزیرستان ءِ حسن خیل ضلع ءَ پاکستان ءِ وسیلگ ءَ ھندی پراکسی درئی ناشرکاری ءَ گوں سیادی داروکیں خوارج ءِ مزنیں گلے ءِ رؤگ ءُ آیگ ءِ پجار کتگ کہ آ پاکستان ءِ وسیلگ ءَ کوشست کنگ ءَ اتنت۔ سیکورٹی فورسز ءَ ہندوستان ءِ حمایت کتگیں خوارج ءِ نفوذ ءِ کوشست ءَ را موثر رنگ ءَ ناکام کتگ۔ ہندی خوارج ءِ درستیں 30 مہارت ءُ نشانگ جوڑ بوتگیں آپریشن ءَ بیران بوتگ انت۔ چہ کُشگ بوتگیں ھندی کمک ءِ خوارج ءَ مزنیں کساسے ءَ سلاہ، گولہ بارود ءُ تراکناکیں سامان ھم برآمد کنگ بوتگ۔ فورسز سیکورٹی ءَ استثنائی پیشہ وارانہ، ہشیاری ءُ تیاری ءِ درشانی کتگ ءُ ہرچ وڑیں بوت کنوکیں آفت ءِ دیم ءَ دارگ بوتگ۔ عبوری اوگانستان ءِ سرکار ءَ ھم پاکستان ءِ ھلاپ ءَ ناشرکاری کارانی واستہ ”درملکی پراکسی“ ءِ نیمگ ءَ اوگانستان ءِ سرزمین ءِ کارمرد کنگ ءِ دیم ءَ دارگ لوٹ ایت۔ پاکستان ءِ سیکورٹی فورسز ملک ءِ سیمسر آنی دفاع ءُ ملک ءَ چہ ہندوستان ءِ سرپرستی ءَ بوتگیں ناشرکاری ءِ ھترہ ءِ ھلاس کنگ ءِ ھاترا وتی بے مٹیں عزم ءِ پدر کنگ ءَ انت۔
