اسلام آباد۔4جولائی (اے پی پی): صدر آصف علی زرداری ءَ شمالی وزیرستان ءِ حسن خیل ءِ دمگ ءَ 30بھارت ءِ حمایت کتگیں خوارج ءِ کوش ءِ سر ءَ سیکورٹی فورسز ءَ را شگر ءُ منت درشان کنان ءَ سیکورٹی فورسز ءِ اے جزم ءِ پدر کنگ ءَ انت کہ ناشرکار آنی سرجمیں ھلاسی ءَ تاں کارروائی برجاہ دارگ بہ بنت۔ جمعہ ءِ روچ ءَ صدر ءِ مملکت ءِ پریس ونگ ءِ نیمگ ءَ جاڑی بوتگیں بیان ءِ تہ ءَ صدر ءِ مملکت ءَ انٹیلی جنس ءِ بنیات ءَ آپریشن ءِ ساھت ءَ فتن الخوارج ءِ 30 ناشرکار آناں ھلاس کنگ ءِ واستہ سیکورٹی فورسز ءِ بہادری ءَ را ساڑات۔ آئی ءَ گوشت کہ ناشرکار آنی سرجمیں ھلاسی ءَ داں سیکورٹی فورسز ءِ آپریشن برجاہ مان ایت۔ صدر ءِ مملکت ءَ گوشت کہ اے گپ وشی ءِ گپ انت کہ پاکستان ءِ سیکورٹی فورسز بھارت ءِ کمک ءَ چہ ناشرکار آنی ھلاسی ءِ واستہ کامیابیں آپریشن کنگ ءَ انت۔ صدر ءِ مملکت ءَ گوشت کہ ناشرکاری ءِ عناصر ءِ ھلاسی ءُ ملک ءِ رکھینگ ءِ مئے جزم سدک مان ایت۔ صدر ءَ فتنت الخوارج ءِ سرجمی ءَ ھلاس کنگ ءِ راجی جزم ءِ ھم درشان کتگ۔
