راولپنڈی۔3جولائی (اے پی پی): وفاقی وزیر دفاع محمد رضا حیات ہراج ءَ گوشت کہ پاکستان ازبکستان ءِ گوما وتی دوستی ءِ سیادی ءَ را سک باز ارزشت دنت۔ پنچ شمبے ءِ روچ ءَ وزارت دفاع ءِ نیمگ ءَ جاڑی بوتگیں بیان ءِ رد ءَ جمہوریہ ازبکستان ءِ سفیر علی شیر توقتایف ءَ وتی کارگس ءَ وفاقی وزیر محمد رضا حیات ہراج ءَ گوں گند ءُ نند کتگ۔ وفاقی وزیر ءَ شرپداریں مہمان ءَ را وش اتک کنان ءَ گوشت کہ پاکستان ازبکستان ءِ گوما وتی دوستی ءِ سیادی ءَ را سک باز ارزشت دنت۔ ازبکستان ءِ سفیر ءَ پاکستان ءِ گوما توامیں شوبگ ھاسیں رنگ ءَ دفاعی صنعت ءِ تہ ءَ کمک برجاہ دارگ ءِ جزم ءِ درشان کت۔ سفیر ءَ دفاعی صنعت ءِ شوبگ ءَ یکجائی منصوبگ آنی امکان آناں پٹ ءُ پول کنگ ءِ ضلورت ءِ سر ءَ زور پر دات۔ اے موہ ءِ سر ءَ دوئیں ملک آنی نیام ءَ وت مہ وتی شور ءُ سلاھ ءِ تہ ءَ ’’دفاعی صنعتی کمک ءِ واستہ روڈ میپ‘‘ جوڑ کنگ ءِ سر ءَ تپاک کنگ بوتگ کہ ایشی ءِ سر ءَ اگست 2025 ءَ دستخط کنگ بیت۔
