تیانجن۔3جولائی (اے پی پی): مواصلات ءِ وفاقی وزیر عبدالعلیم خان ءُ روسی فیڈریشن ءِ ٹرانسپورٹ ءِ نائب وزیر آندرے سرگیویچ نیکیتین ءِ نیام ءَ گند ءُ نند ءَ اے گپ ءِ سر ءَ تپاک کنگ بوتگ کہ پاکستان ءَ چہ میان اُستمانی ریاست ءُ روس ءَ ریلوے ءُ سڑک ءِ نیٹ ورک ءُ تجارتی راہداری ءِ وسیلگ ءَ دیمروئی کنگ بہ بیت۔ تیزی کثہ۔ ھمے رنگ ءَ پاکستان ءِ وسیلگ ءَ میاں اوستمانی ایشیا ءِ واستہ گرمیں آپ آنی رسگ ءَ چہ بیپاری چست ءُ ایر آناں مزنیں دیمروئی رس ایت۔ چین ءِ شہر تیانجن ءَ شنگھائی کوآپریشن آرگنائزیشن ءِ سئے روچی وزارتی کانفرنس ءِ موہ ءَ دوئیں رہشونانی نیام ءَ بوتگیں گند ءُ نند ءَ روس ءُ پاکستان ءِ نیام ءَ دو نیمگی کمک ءَ را گیش کنگ ءِ بابت ءَ ھم گپ ءُ تران کنگ بوتگ۔ وفاقی وزیر برائے مواصلات عبدالعلیم خان ءَ گوشت کہ پاکستان وتی مواصلات ءِ وسیلگ آناں نوک جوڑ کنگ ءَ اِنت، شاہراہ آنی سر ءَ ڈیجیٹلائزیشن ءُ سی سی ٹی وی ءِ نگرانی ءِ سر ءَ عمل کنگ بوھگ ءَ اِنت، وھدیکہ موٹرویز ءَ را رکاوٹ ءِ چہ پاک کنگ ءُ ای ٹیگ ءَ را المی جوڑ کنگ ءِ واستہ ھم ترندی ءَ گوں کار کنگ بوھگ ءَ اِنت۔ روس فیڈریشن ءِ نائب وزیر آندرے سرگیویچ نیکیتین ءَ پاکستان ءُ روس ءِ نیام ءَ یکجائی منصوبگ آنی سر ءَ کار برجاہ دارگ ءِ سر ءَ تپاک کتگ ءُ گوشت کہ دوئیں ملک خطہ ءَ تجارت ءِ دیمروئی ءِ واستہ ھاسیں کرد پیلو کت کن اَنت۔ گند ءُ نند ءَ شنگھائی کوآپریشن آرگنائزیشن ءِ دیوان ءُ ایشی ءِ جتاجتائیں تک ءُ پھنات آنی سر ءَ ھم ھیال ریچی کنگ بوت۔ زانگ بہ بیت کہ وفاقی وزیر برائے مواصلات عبدالعلیم خان ءِ سروکی ءَ پاکستانی ڈل ءَ شنگھائی کوآپریشن آرگنائزیشن ءِ سئے روچی دیوان ءَ بہر زرتگ ءُ ایشی ءَ را چین ءِ ٹرانسپورٹ ءِ وزیر لیو وی ءَ وش اتک کتگ وھدیکہ وفاقی وزیر ءَ گند ءُ نند ءِ ساھت ءَ جتا جتائیں ملک آنی وزیر آنی گوما گند ءُ نند کتگ۔ وفاقی سیکرٹری برائے مواصلات ءُ پاکستان ءِ سینئر افسراں وفاقی وزیر برائے مواصلات ءِ کمک کتگ وھدیکہ عبدالعلیم خان ءَ وتی گشتانک ءِ تہا پاکستان ءِ مواصلات ءِ تہا پیشرفت، دگہ ملک آنی گوما معاہدہ ءُ ھاسیں رنگ ءَ چین ءُ اوگانستان ءِ وسیلگ ءَ دگہ ملک آنی گوما زمینی رابطہ آنی سر ءَ سرجمیں رنگ ءَ رژنائی شنگ کتگ۔ ھَند. آئی ءَ گوستگیں 15ماہ آنی تہ ءَ پاکستان ءَ نیشنل ہائی وے اتھارٹی ءُ موٹرویز آنی تہ ءَ اصلاحات ءُ آمدنی ءِ تہ ءَ گیشی ءِ ھم گپ گوشت۔
