سیویلا۔2جولائی (اے پی پی): وزیر خزانہ ایس محمد اورنگزیب ءَ گوشت کہ پاکستان 2030ءِ ایجنڈا برائے دیمروئی ءِ ھاترا ساپ ءُ سلہ ئی، ھواری ءُ جوانیں شریکداری ءِ واستہ جزم انت۔ چار شمبے ءِ روچ ءَ وفاقی وزیر خزانہ ایس محمد اورنگزیب ءَ اسپین ءِ شہر سولا ٹکسال ءَ برجم داشتگیں دیمروئی ءِ ھاتر ءَ مالی کمک ءِ ھوالگ ءَ چارمی گلوبل کانفرنس ءَ بھر زوری کت ءُ سرجمیں دیوان ءَ گشتانک دات۔ آئی ءَ وتی گشتانک ءِ تہ ءَ میاں اوستمانی دیمروئی کمک ءَ را جوانیں جوڑ کنگ، مالی کمک ءِ نظام ءَ را اصلاحات کنگ ءُ پائیدار دیمروئی ءِ مول ءُ مراد آناں سرجم کنگ ءِ واستہ ترندیں عملی گامگیج آنی ضلورت ءِ سر ءَ زور پر دات۔ وزیر خزانہ ءَ گوشت کہ پاکستان 2030ءِ ایجنڈا برائے دیمروئی ءِ ھاترا نتیجہ ءِ سرا مبنی، ساپ ءُ سلہ ئی ءُ بامردیں شریکداری ءِ واستہ جزم انت، دیمروئی کنوکیں ملک آنی واستہ فنانس ءِ رسائی ءِ آسراتی ءِ واستہ ھاسیں رنگ ءَ بلینڈڈ فنانس ءِ واستہ موہ آناں گیش کنگ ءِ ترندیں ضلورت انت۔ سرز۔ محمد اورنگزیب ءَ میاں اوستمانی براتی ءِ سر ءَ زور پر دات کہ نوں ایوک ءَ وعدہ کنگ ءِ واستہ ھچ نہ بیت بلکیں ایشی ءِ سر ءَ عمل کنگ ءِ واستہ ترندیں، ٹھوس ءُ جوانیں گامگیج آنی ضلورت اِنت۔ آئی ئَ دیمروئی کمک ئِ دیمروئی ئِ واستہ سئے نقطہ ئِ حکمت عملی ئِ ھم پیش کرتگ۔ آئی ءَ اے گپ ءِ سر ءَ زور پر دات کہ ملکی اولویت آناں اولیت دیگ بہ بیت، دیمروئی منصوبگ آناں دمگی لوٹ ءُ گزر آنی رد ءَ جوڑ کنگ بہ بیت، آسان ءُ آمیزش ءِ مالیات ءِ رسائی، نرمیں شرط ءُ مشترکہ مالیات ءِ ماڈل آناں دیمروئی دیگ بہ بیت۔ نتیجہ ءِ سرا مبنی شراکت داری ءُ دیمروئی ءِ کمک ءَ را اندازہ ءُ نتیجہ ءِ سرا مبنی جوڑ کنگ بہ بیت۔ وزیر خزانہ ءَ جھان ءِ مالیاتی نظام ءِ اصلاحات، کریڈٹ ریٹنگ ایجنسی آنی کرد ءِ چار ءُ تپاسی ءُ نجی سرمایہ کاری ءَ را متحرک کنگ ءِ ضلورت ءِ سر ءَ ھم زور پر دات۔ آئی ءَ گوشت کہ موسمیاتی لچک، صنفی برابری ءُ ڈیٹا ءِ ھوار کنگ ءَ را دیمروئی ءِ حکمت عملی آنی تہ ءَ یکجا کنگ المی بیت۔ سر محمد اورنگزیب ءَ سوج دات کہ ایس ڈی جیز ءِ عملی عملدرآمد ءِ واستہ یک گلوبل ڈیلیوری میکانزم ءُ ٹاسک فورس ءِ جوڑ کنگ بہ بیت، ایشی ءَ چہ پائیدار دیمروئی ءِ مول ءُ مراد آنی سرجمی ءِ تہ ءَ رہشونی، کمک ءُ ساپ ءُ سلہ ئییں نگرانی ءِ وسیلگ ءَ دیم ءَ اتک کنت۔ آئی ءَ گوشت کہ مارا دیمروئی کمک ءِ استیں فریم ورک ءَ را نوکیں رنگ ءَ جوڑ کنگ لوٹ ایت تانکہ میاں اوستمانی براتی راستیں بدلی ءِ سفر ءَ را بندات بہ کنت۔ آئی ءَ میاں اوستمانی براتی ءَ چہ اپیل کت کہ نوں وعدہ آں چہ دیم ءَ روگ ءُ کارروائی ءِ نیمگ ءَ روگ ءِ وھد اِنت۔ آئی ءَ وتی گشتانک ءِ تہ ءَ دیمروئی کمک ءَ را دیمروئی دیگ ءِ واستہ سئے نکاتی حکمت عملی ءِ سرا زور دات ءُ ترندیں عملی گامگیج آنی ضلورت ءِ سر ءَ زور پر دات ءُ وعدہ آنی تہ ءَ چہ دیم ءَ روگ ءُ حقیقی کارروائی بندات کنگ ءِ ضلورت ءِ سر ءَ زور پر دات۔ وزیر خزانہ ءَ دیمروئی منصوبگ آنی تہ ءَ ملکی ملکیت ءِ اولویت ءِ سر ءَ زور پر دیان ءَ گوشت کہ دیمروئی کنوکیں ملک آنی واستہ آسان ءُ آمیزش مالیات ءِ رسائی ءَ را گیش کنگ ءِ ضلورت اِنت۔ وزیر خزانہ ءَ نجی سرمایہ کاری ءِ متحرک کنگ، جہانی مالیاتی نظام ءِ اصلاحات ءُ کریڈٹ ریٹنگ ایجنسی آنی کرد ءِ سرا چار ءُ تپاسی ءِ ضلورت ءِ ہم ذکر کتگ۔
