اسلام آباد۔2جولائی (اے پی پی): چیئرمین مزن وزیر ورنا پروگرام رانا مشہود احمد خان ءَ گوشت کہ کوئٹہ ءِ مزن وزیر کرکٹ ٹیلنٹ ہنٹ ٹرائلز ءَ دہ ہزار ورنا بھر زوری کنگ ءَ انت۔ آئی ءَ ورنا آنی سر ءَ زور پر داتگ کہ آ وت ءَ را ڈیٹال یوتھ ہب ءَ رجسٹر بہ کن اَنت تانکہ وانگ ءُ زانگ، روزگار ءُ اے دگہ موہ آناں چہ سیت چست بہ کن اَنت۔ چار شمبے ءِ روچ ءَ مزن وزیر ورنا پروگرام ءِ نیمگ ءَ جاڑی بوتگیں پریس ریلیز ءِ رد ءَ چیئرمین مزن وزیر ورنا پروگرام رانا مشہود احمد خان ءَ پارلیمنٹ ءَ مزن نامیں انٹرنشپ پروگرام ءِ گچین بوتگیں اُمیت وار آنی گوما انٹرایکٹو سیشن برجم داشتگ۔ ’’زمہ وار جمہوریت ءِ واستہ ورنا آناں ھوار کنگ‘‘ ءِ سرھال ءِ چیر دستی ءَ برجم دارگ بوتگیں اے دیوان ءِ مول ءُ مراد پاکستانی ورنا آنی تہ ءَ جمہوری قدر ءُ شہری ذمہ واری ءِ ودی کنگ بوتگ۔ انٹرنشپ پروگرام ءَ را زبردستیں پسو رستگ ات، 16 ہزار ءَ چہ گیش ملک ءِ نودربراں چہ درخواست داتگ ات۔ اے سکیں مقابلہ ءِ پول ءَ چہ ایوک ءَ 200 شانداریں نودربر پارلیمنٹ ءِ تہ ءَ چار ہفتگ ءِ ھاسیں پروگرام ءَ بہر زورگ ءِ ھاترا گچین کنگ بوتگ اَنت۔ اے رد ءَ آئی بی اے یونیورسٹی، سکور ءِ 25 ءُ ایون کالج ءِ 30 نودربر ھوار اتنت کہ ایشی ءَ چہ ورنا آنی جتائیں ءُ باصلاحیتیں پول ءِ درشانی کنگ بوتگ۔ چیئرمین مزن وزیر ءِ ورنا پروگرام رانا مشہود احمد خان ءَ دیوان ءِ بندات ءَ پاکستان ءِ ورنا آنی جوش ءُ جزبگ ءِ منگ ءَ کت ءُ مزن وزیر ءِ ورنا پروگرام ءِ آیوکیں وھد ءِ واستہ وژن ءِ لیکہ ءِ سرا چمشانک دات۔ آئی ءَ جمہوریت ءِ چھتری ءِ چیر ءَ جمہوری قدر آناں برجاہ دارگ ءِ تہ ءَ ورنا آنی ھاسیں کرد ءِ بابت ءَ گپ جت ءُ ورنا آناں یک مشترکہ ذمہ واری ءِ رنگ ءَ گپ جت ءُ اے گپ ءِ سر ءَ زور پر دات کہ مزن وزیر ءِ ورنا آنی پروگرام وتی گامگیج آنی وسیلگ ءَ جمہوری قدر آناں عملی رنگ ءَ ھوار کنگ ءِ واستہ چون سرگرمیں رنگ ءَ کار کنت۔ چیئرمین ءَ مزن وزیر ءِ ورنا پروگرام ءِ ورنا آناں بااختیار جوڑ کنگ ءِ واستہ جامع کمکی نظام آنی سر ءَ ھم گیش ءُ گیوار کت ءُ ذمہ واریں ورنا آناں بااختیار جوڑ کنگ ءِ واستہ پاکستان ورنا پروگرام ءِ بے مٹیں عزم ءِ سر ءَ یک رندے پدا گوشت۔ سیشن ءِ آسر ءَ جُست ءُ پُرس ءِ سیشن بوت کہ ایشی ءِ تہ ءَ گچین بوتگیں انٹرن آناں چیئرمین ءِ گوما براہ راست گپ ءُ تران کنگ ءِ موہ دیگ بیت، وتی جیڈھ آناں درشان کنگ ءُ پاکستان ءِ جمہوری ءُ دیمروئی سفر ءِ تہ ءَ گیش فعالیں شریک جوڑ بوھگ ءِ واستہ رہشونی ءِ لوٹ کنگ بیت۔ سیشن ءِ ساھت ءَ چیئرمین رانا مشہود احمد خان ءَ مزن وزیر ورنا پروگرام ءِ چیر دستی ءَ کلیدی فلیگ شپ گامگیج آناں دیم ءَ آورت کہ ایشی ءِ تہ ءَ پرفیکٹ پچ ھوار اِنت کہ پرائم ٹائم ٹیم ویژن ءِ وسیلگ ءَ ورنا کاروباری مردم آناں سرمایہ کار آنی گوما یک راجی جدت ءِ پلیٹ فارم ءِ تہ ءَ ھوار اِنت۔ آئی ءَ گوشت کہ کوئٹہ ءَ مزن وزیر کرکٹ ٹیلنٹ ہنٹ ٹرائلز ءِ بنگیج کنگ بوتگ ایشی ءِ تہ ءَ دہ ہزار ورنا آں بھر زرتگ، ایشی ءِ واستہ لاہور قلندر شریک انت۔ آئی ءَ انٹرن آناں ھم زور پر دات کہ آ وت ءَ ڈیٹال یوتھ ہب ءِ سر ءَ رجسٹرڈ بہ کن اَنت ، یک بدلی ءِ پلیٹ فارمے کہ ایشی ءِ تہ ءَ وانگ ، روزگار ، ھوار بوھگ ءُ بااختیار کنگ ءِ چاریں ستون بس یک کلک ءِ دوری ءَ اَنت ءُ آھاں زور پر دات کہ آ وتی ھمساھگ آناں ایشی ءِ سر ءَ رجسٹرڈ کنگ ءِ واستہ سرگرمیں رنگ ءَ دلبڈی بہ دنت پرچا کہ راستیں موہ چہ سرپدی ءُ رسائی ءَ بندات بیت۔ آئی ءَ گوشت کہ مزن وزیر ءِ ورنا پروگرام ءِ نیمگ ءَ چہ اے گامگیج ورنا پاکستانی آناں پالیسی سازی، گورننس ءُ شہری ھوار بوھگ ءِ ھوالگ ءَ عملی زانت ءُ سرپدی ءِ پجاری کنت، آھاں باندا ءِ سروک جوڑ بوھگ ءِ وسیلگ ءُ وژن ءَ چہ لیس کنت۔
