اسلام آباد۔2جولائی (اے پی پی): چیئرمین پاکستان پیپلز پارٹی بلاول بھٹو زرداری ءَ ضلع باجوڑ ءَ بوتگیں بمب تراک ءَ را تچکیں مذمت کتگ ءُ گشتگ کہ ناشرکار ملک ءُ قوم ءِ تلخیں دژمن انت، پاکستان ءِ ہر مردم ناشرکاری ءِ ہلاپ ءَ جنگ ءَ یکجا انت۔ چار شمبے ءِ روچ ءَ پیپلز پارٹی میڈیا ءِ نیمگ ءَ جاڑی بوتگیں پریس ریلیز ءِ رد ءَ بلاول بھٹو زرداری ءَ گوشت کہ من ضلع باجور ءَ ناشرکاری اُرش ءَ را سک مذمت کن آں، ءُ تراک ءِ تہ ءَ اسسٹنٹ کمشنر نواگائی، تحصیلدار گھار ءُ ایندگر کارندہ آنی شھید بوھگ ءِ سر ءَ سک باز اپسوز آں ۔ آئی ءَ گوشت کہ ناشرکار ملک ءُ قوم ءِ تلخیں دژمن انت، ناشرکار ملک ءَ امن ءُ ایمنی نہ لوٹ انت، ناشرکاری ءِ ھلاپ ءَ جنگ ءَ پاکستان ءِ ھمک مردم یکجا انت۔ بلاول بھٹو زرداری ءَ گوشت کہ شہید آنی کھول ءِ غم ءَ من یک پیم ءَ بھر کناں، شہید آنی مزن اگدہ آنی واستہ دعا لوٹاں۔
