
اسلام آباد۔2جولائی (اے پی پی): مزن وزیر محمد شہباز شریف جمہوریہ آذربائیجان ءِ بنجاھی شہر باکو ءَ بوھوکیں 17می اقتصادی کمک ءِ گل ءِ سروک دیوان ءَ بھر زوری کنت۔ دری کارانی کارگس ءِ جارکش ءَ چار شمبے ءِ روچ ءَ جاڑی بوتگیں بیان ءِ تہ ءَ گوشت کہ اقتصادی کمکی گل ءِ 17می سروک دیوان 3 ءُ 4 جولائی ءَ باکو ءَ بیت، محمد شہباز شریف پاکستانی ڈل ءِ سروکی ءَ کنت۔ سروک دیوان ءِ بنگپ ”پائیدار ءُ موسمیاتی لچکداریں آیوکیں وھد ءِ واستہ نوکیں ایکو وژن“ اِنت۔ سروک دیوان ءِ ساھت ءَ مزن وزیر کلیدی دمگی ءُ جھان ءِ چیلنج آنی ھوالگ ءَ پاکستان ءِ ھیال ءُ لیکہ ءَ را شریک کنت ءُ ایکو ویژن 2025 ءِ سر ءَ پاکستان ءِ عزم ءِ سر ءَ پدا زور دنت۔آ دمگی تجارت، ٹرانسپورٹ ءِ رابطہ، توانائی ءِ کمک ءُ پائیدار دیمروئی ءِ دیمروئی ءِ واستہ مھکمیں رنگ ءَ وکالت کنت۔ مزن وزیر محمد شہباز شریف سروک دیوان ءِ ساھت ءَ ایکو ءِ ایندگر سروک آنی گوما ھم دو نیمگی گند ءُ نند کنت تانکہ وت مہ وتی دلچسپی ءِ جیڈھ آنی سر ءَ گپ ءُ تران کنگ بہ بیت۔