اسلام آباد-یکم جولائی (اے پی پی) پاکستان ءُ ملائیشیا ءَ دود ءُ ربیدگی یکوئی ءُ وت مہ وتی ءِ دیمروئی ءِ واستہ ھاسیں سفارتی گامگیج آنی بھر ءِ رنگ ءَ آرٹ، دود ءُُ ربیدگ ءُ میراث ءِ شوبگ ءَ وت مہ وتی کمک ءَ را گیش کنگ ءِ جزم کتگ۔ اے گپ سئے شمبے ءِ روچ ءَ راجی ورثہ ءُ دود ءُ ربیدگ ءِ وفاقی وزیر محمد اورنگزیب کھچی چھی ءُ ملائیشیا ءِ سفیر محمد سیافک فردوس حسب اللہ ءِ نیام ءَ گند ءُ نند ءِ ساھت ءَ پدا پدر کنگ بوت۔ سفیر حسب اللہ ءَ وتی جتائیں دود ءُ ربیدگی ورثہ ءِ رکھینگ ءِ واستہ پاکستان ءِ کوشست آناں ساڑات ءُ دو نیمگی مردم آنی نیام ءَ سیادی ءَ را مھکم کنگ ءِ واستہ پاکستان ءِ برجاھیں کرد ءَ را ساڑات۔ آئی ءَ دود ءُ ربیدگی سفارتکاری ءُ فنکارانہ تبادلہ ءِ وسیلگ ءَ پاکستان ءِ گوما سیادی ءَ را گیش گہتر کنگ ءِ واھشت ءِ سر ءَ ھم زور پر دات۔ وفاقی وزیر محمد اورنگزیب کھیچی ءَ پاکستان ءِ عزم ءِ سر ءَ زور پر دات ءُُ ورثہ ءِ تہ ءَ یکجائی دود ءُُ ربیدگ ءِ مراگش، نمائش ءُُ کمک ءِ دیمروئی ءِ واستہ پاکستان ءِ ادارگی صلاحیت ءِ سر ءَ زور پر دات۔ آئی ءَ ملائیشیا ءِ تر ءُُ تاب ءِ واستہ سفیر ءِ باقاعدہ دعوت ءِ وش اتک کت ءُُ یکجائی قدر ءُُ دود ءُُ ربیدگ آنی دیمروئی ءِ واستہ اے وڑیں دو نیمگی رابطہ آنی ارزشت ءِ سر ءَ زور پر دات۔ گند ءُُ نند ءِ ساھت ءَ پاکستان ءَ اولی رند ءَ کوھنیں گندھارا تہذیب ءِ رکھینگ ءُُ دیمروئی ءِ واستہ آرٹیفیشل انٹیلی جنس (اے آئی) ءِ کارمرد کنگ ءِ سر ءَ ھم گپ ءُُ تران کنگ بوت کہ اے ڈیجیٹل انوویشن ءِ وسیلگ ءَ دود ءُُ ربیدگی ورثہ ءِ رکھینگ ءِ تہ ءَ بدلی ءِ تہ ءَ یک مزنیں گامگیج اِنت۔ فریقین ءَ یکجائی دود ءُ ربیدگ ءِ پرفارمنس آنی تہ ءَ ھم دلگوشی ءِ درشانی کت کہ ایشی ءَ چہ الس ءَ را پاکستان ءِ جتا جتائیں دود ءُ ربیدگ آنی گوما ملائیشیا ءِ وشھالیں دود ءُ ربیدگ ءِ تجربگ ءِ موہ رس ایت۔ پنجاب ءِ منفرد دود ءُ ربیدگ ءِ پجار ءِ ستا ءَ کنان ءَ اورنگزیب کھچی ءَ ملائیشیا ءِ سفیر ءَ را دمگ ءِ راجدپتری جاہ آنی چار ءُ تپاسی ءِ دعوت ھم دات۔ گند ءُ نند ءِ آسر ءَ فریقین ءَ آرٹس، ورثہ ءُ نبشتہ کاری ءِ درشان ءِ تہ ءَ برجاھیں کمک ءَ را دل یکیمی کنگ ءَ دوئیں ملک آنی نیام ءَ دود ءُُ ربیدگ ءِ سیادی ءَ را گیش مھکم کنگ ءِ وتی عزم ءِ پدر کنگ بوت۔
