اسلام آباد۔1جولائی (اے پی پی): وفاقی وزیر داخلہ محسن نقوی ءَ اسلام آباد سیکٹر ایچ 16 ءِ تہ ءَ زیر تعمیر ماڈل جیل ءِ تر ءُ تاب کتگ۔ آئی ءِ ھمبراھی ءَ تہی کارانی وزیر مملکت طلال چوہدری ھم ھوار بوتگ۔ وفاقی وزیر داخلہ محسن نقوی ءَ زیر تعمیر ماڈل جیل ءِ جتا جتائیں بہر آنی چار ءُ تپاسی کت ءُ تعمیراتی کار آنی دیمروئی ءِ سر ءَ چار ءُ تپاسی کت۔ تہی کارانی وزیر محسن نقوی ءَ منصوبگ ءِ اولی بھر ءَ اے سال ءَ سرجم کنگ ءِ ڈیڈ لائن داتگ ءُ گوشت کہ شپ ءُ روچ کار کنان ءَ جوڑیشت ءِ کار ایر کتگیں وھد ءُ پاس ءِ تہ ءَ سرجم کنگ بہ بنت۔ محسن نقوی ءَ گوشت کہ اولی بھر ءَ ماڈل جیل ءَ 1500 بندی آنی گنجائش بیت۔ آئی ءَ ماڈل جیل ءَ 90 روچ ءِ اندر ءَ دگہ دو بیرک جوڑ کنگ ءِ ہدایت کتگ ءُ گشتگ کہ جیل ءَ 34بستر ءِ اسپتال ءُ مین کچن زوتاں چہ زوت سرجم کنگ بہ بیت۔ وزیر داخلہ محسن نقوی ءَ ڈی آئی جی اسلام آباد پولیس ءَ را ہدایت کتگ کہ آ ماڈل جیل ءَ کارندہ آنی ایر کنگ ءِ منصوبگ ءَ پیش بہ کنت۔ بریفنگ ءِ تہ ءَ گوشگ بوت کہ جیل ءِ جوڑیشت ءِ منصوبگ 2011 ءَ چہ بندات کنگ بوتگ ءُ بازیں سال ءَ چہ اوشت ءَ بوتگ۔ اے موہ ءِ سر ءَ وفاقی سیکرٹری ہوم، ڈی آئی جی اسلام آباد پولیس، ڈپٹی کمشنر، اے ڈی سی جی، سی ڈی اے ءِ کارندہ، ٹھیکیدار ءُ مشیر ھم ھوار اتنت۔
