وفاقی وزیر رانا تنویر حسین ءَ پائیدار، موسمیاتی ایمن ءُ ھواریں کشت ءُ کشاری ءُ وردن ءِ نظام ءِ جوڑ کنگ ءِ واستہ پاکستان ءِ بے مٹیں عزم ءِ یک رندے پدر کت

روم/ اسلام آباد۔1جولائی (اے پی پی): راجی فوڈ سیکیورٹی ءُ پٹ ءُ پول ءِ وفاقی وزیر رانا تنویر حسین ءَ اقوام متحدہ ءِ فوڈ اینڈ ایگریکلچر آرگنائزیشن ءِ 44می کانفرنس ءَ گوں تران کنان ءَ پاکستان ءِ بے مٹیں عزم ءِ سر ءَ پدا زور پر دات کہ ایشی ءِ تہ ءَ پائیدار ، موسمیاتی فوڈ سیکورٹی ءُ ایوک ءَ کھان ءِ رکھینگ ءِ نظام ءِ جوڑ کنگ بہ بیت۔ امنیت ءَ راجی تک ءَ دیم ءَ برگ ءَ انت بلے گریبی ، نادراھی ءُ گریبی ءِ ھلاسی ءِ ھاترا جھان ءِ کوشست آنی تہ ءَ ھم کمک کنگ ءَ انت۔ آئی ءَ گوشت کہ پاکستان ءَ ھاٹیگ ءِ شوبگ ءَ را نوک کنگ ءِ واستہ مزنیں کساسے ءَ راجی اصلاحات کنگ ءَ انت۔ اے اصلاحات ءِ تہ ءَ وردن ءِ کوالٹی ءُ سیفٹی ءِ معیار ءَ را گہتر کنگ، زرعی جدت ءِ دیمروئی، فصل ءِ تنوع ءِ حوصلہ افزائی ءُ کسانیں کشت ءُ کشاری ءِ ھاتر ءَ بااختیار کنگ ھوار انت۔ وفاقی وزیر ءَ گوشت کہ اے گامگیج یک مھکم، منصفانہ ءُ متوازن فوڈ سسٹم ءِ جوڑ کنگ ءِ واستہ کنگ بوھگ ءَ انت، ایشی ءَ چہ وردن ءِ تہ ءَ گہتری کیت، روزگار ءِ موہ پیداک بیت، ءُ دراجیں مدت ءِ فوڈ سیکیورٹی ءَ را دل یکیمی کنگ بیت۔ وفاقی وزیر ءَ جہانی نقطہ نظر ءِ سر ءَ تران کنان ءَ اے گپ ءِ سر ءَ زور پر دات کہ فوڈ سیکیورٹی ءُ چاگردی برجائی جہانی چیلنج اَنت کہ ایشی ءِ گیواری ءِ واستہ یکجاھیں کوشست آنی ضلورت اِنت۔ آئی ءَ گوشت کہ پاکستان وتی کشت ءُ کشاری دیمروئی ءِ حکمت عملی ءِ تہ ءَ میاں اوستمانی کمک ءَ را کلیدی ارزشت ءَ دنت ۔ پاکستان زانت ءِ بدلی، جوانیں جھان ءِ کارروائی آنی چہ دربرگ ءُ یکجائی تجربگ آناں کارمرد کنگ ءِ وسیلگ ءَ جھان ءِ زرعی گورننس ءُ پائیداری ءِ گامگیج آنی تہ ءَ جوانیں کرد پیلو کنگ لوٹ ایت۔ رانا تنویر حسین ءَ ایف اے او کونسل ءِ نوکیں چیئرمین ءُ وائس چیئرمین آنی گچین کاری ءَ پاکستان ءِ سرگرمیں بھر زوری ءِ ھم ذکر کت۔ آئی ءَ نوکیں گچین بوتگیں سروکی ءَ را مبارک بات دات ءُ دل یکیمی ءِ درشان کت کہ نوکیں چیئرمین باسکیں ملک آنی نیام ءَ تپاکی ءِ جوڑ کنگ، گورننگ باڈیز ءِ گوما سیادی ءَ را مھکم کنگ ءُ کونسل ءَ را وھد ءِ لوٹ آنی رد ءَ کارآمد دارگ ءِ تہ ءَ کلیدی کرد پیلو کنت۔ آئی ءَ یک رندے پدا گوشت کہ پاکستان ایف اے او ءِ گورننس عمل ءِ مھکمیں کمک ءَ برجاہ دار ایت ءُ وتی ایجنڈا ءِ تہ ءَ جوڑیشت ءِ کرد ءَ پیلو کنت۔ وفاقی وزیر ءَ ایف اے او ءُ ایندگر میاں اوستمانی دیمروئی شریک آنی گوما برجاھیں کمک ءِ ارزشت ءِ سر ءَ زور پر دات۔ آئی ءَ گوشت کہ پاکستان پالیشی اصلاحات، ادارگی گنجائش سازی ءُ موسم ءِ گوما ھمگرنچیں کشت ءُ کشاری حکمت عملی ءِ وسیلگ ءَ وردن ءِ نظام ءَ را گہتر کنگ ءِ واستہ جزمیگ انت۔ آئی ءَ ایف اے او، ڈبلیو ایف پی، ءُ آئی ایف اے ڈی ءِ وڑیں ادارگ آنی کمک ءِ توسیپ کت کہ آ پاکستان ءَ فوڈ سیکورٹی ءِ ھلاسی، غذائیت ءِ گہتری ءُ چاگردی دباؤ آنی گیواری ءِ واستہ جتا جتائیں منصوبگ آنی سر ءَ عمل کنگ ءَ اَنت۔ گڈسرا وفاقی وزیر ءَ میاں اوستمانی براتی ءَ را زور پر دات کہ آ فوڈ سسٹم ءِ دیم ءَ اوشتاتگیں گیش بوھوکیں چیلنج آنی گیواری ءِ واستہ کمک ءُ یکوئی ءَ را گیش مھکم بہ کن اَنت۔ آئی ءَ گوشت کہ یکجائی کوشست آنی وسیلگ ءَ زرعی ءُ وردن ءِ نظام جوڑ کنگ بیت کہ آ نہ ایوک ءَ کارآمد ءُ پیداواری بہ بنت بلکیں آیوکیں نسل آنی واستہ منصفانہ، پائیدار ءُ ایمن بہ بنت۔