وزیر داخلہ محسن نقوی ءَ مستونگ ءَ لیویز لائن ءُ سرکاری جائیداد ءِ سر ءَ فتنہ الهندستان ءِ اُرش ءَ را ناکام کنگ ءِ ھاتر ءَ ایف سی ، سی ٹی ڈی ءُ لیویز ءِ کارندہ آناں شگر ءُ منت گپتگ

اسلام آباد۔1جولائی (اے پی پی): وفاقی تہی کارانی وزیر محسن نقوی ءَ مستونگ ءَ لیویز لائن ءُ سرکاری جائیداد ءِ سر ءَ فتنہ الهندستان ءِ نیمگ ءَ اُرش ءِ مذمت کتگ۔ سئے شمبے ءِ روچ ءَ وتی بیان ءِ تہ ءَ تہی کارانی وزیر محسن نقوی ءَ فتنہ الهندستان ءِ ناشرکار آنی اُرش ءَ را ناکام کنگ ءِ واستہ ایف سی، سی ٹی ڈی ءُ لیویز ءِ بہادریں زھگ آناں شگر ءُ منت گپت۔ آئی ءَ 2 فتنہ الهندستان ءِ ناشرکار آنی کوش ءِ واستہ ایف سی، سی ٹی ڈی ءُ لیویز ءِ پیشہ وارانہ لیکہ ءِ توسیپ کتگ۔ آئی ءَ اے گپ ءِ سر ءَ زور پر دات کہ ایف سی، سی ٹی ڈی ءُ لیویز ءَ ترندیں ءُ جوانیں پسو ءِ وسیلگ ءَ فتنہ الهندستان ءِ ناشرکار آنی اُرش ءَ را ناکام کتگ۔ ایف سی، سی ٹی ڈی ءُ لیویز ءِ کارندہاں فتنہ الهندستان ءِ ناشرکارانی دیم ءَ بہادری ءِ گوما دیم پہ دیم بوتگ کہ اے ستا کرزیں گپے ۔ وفاقی تہی کارانی وزیر ءَ گوشت کہ فتنہ الهندستان ءِ ناشرکار آنی اُرش ءَ شھید بوتگیں ورنا ءِ گس ءِ مردم آنی دلپدردی ءَ گوں ھمگرنچ آں ءُ ٹپیگ آنی زوت جان سلامتی ءِ واستہ دعا لوٹ ایت۔